تريترا .. الاسطورة
قصة لا يعرفها جيل الايباد
رواية شعبية ملعووونة والدين
ويضرب عليها مثل دارج .. الا هو حزيمات تريترا
عندما كنت طفلة في كل ليلة تجمعنا امي وتقصها علينا و نحن نستمع لها بشغف و بنفس الحماس >>ابو ابو من انتم هدايفن لوووه
لم يكن هنالك تلفزيون ولا اجهزة جوال ولا اي من ادوات الترفيه الحالية
و لم يكن هنالك تسلية او ترفيه الا بأعادة تلك القصص على مسامعنا كل ليلة >>>من تناحتككككم هههههههه
تريترا وفي رواية هريهرا
/
بوه ثلاث بنيوات
وحده كبيرة وحده وسط وحده صغيرة
قاعداتن يدورن طيطان ورباحل ماعندهن من الشيطان طاري
فجأه جتهن لهن عجوز راكبتن حماره
قالت بالخير يها البنات
قالن هلا هلا
قالت وش تدورن
قالن ندور رباحل وطيطان
قالت تعالن حول بيتي مليان هناك
واطبدززن الخبول يمشششن وراه يدودلن روسهن
قالن وين بيتتس قلت ورا هكا الحزيم
ويتعدن الحزيم يمار مابوه بيت
قالن وين بيتتس
قالت ماعليكن ورا هكا الحزززيم
وكل ما يجن لهن حزم قالت وراه
يما قربت لبيته
وهي تاخذهن وتحطهن بخيشته وتوديهن للبيت وكان بيته عمداااانه واوتاده عظام وسقفه من كرررروووش هالناس
و حباله مصررررررررران
الوكاد ان بيت الشعر حقه خرررررررعه
وهي تلبّق حماره عند باب البيت وهي تنزلهن وتعطيهن ولده قالت امسكهن يما اجي ابروح ابسن سنوني ويا ويلك ان ضاعن والله لاذبحك
قال الولد ازهليهن
يوم راحت وهن يستدرجن الولد قالن لوه تبينا نجني لك طيطان ورباحل
قال ايه
قالن فكنا ونرجع بسرعة
وفتح لهن الاثول
وراحن يجمعن لوه بسرعة وجن
وقالن نبي نروح مرة ثانية قال يالله بسرعه
وراحن جمعن لوووه ورجعن وهو يلهي ويقعد ياكل وهن يهربن
ويركضن ويركضن ويركضن حما حيلهن
عاد وهن بالطريق تعبت البنية الصغيرة قالت لخواته ما اقدر اركض
وهن يمسكنه ويجحرنه بجحر ضب قالن اجلسي هنا واذا جاتس مطر قولي ياهلا بمطر ربي وحنا اذا جينا اهلنا نرجعلتس قالت خلاص
وفي هذه الاثناء
رجعت تريترا للبيت الا ولده ياكل رباحل ماهو يم العالم
قالت وينهن قال راحن يجنن لي رباحل وطيطان
وهي تقعد تضربه تضربه تضربه يما بغى يموت
وهي تركب حماره وتتبع اثرهن
وهي تمشي وقفت حول الجحر اللي بوه البنيه
وهو يجي الحمار يقضي حاجته
قالت البنت وهلا بمطررر ررربي هههههههه
قامت سمعته تريترا وهي تصيده وتحطه بالخيشه وهي تطلع اصبعه الصغيره من الخيشه وكانت لابستن خاتم
وهي تمشي وتمشي وتمشي
وهي توقف عند ناس تبي تشرب ماء وتعفى عقبن تكمل مسيرة البحث
يمار هذولا اهل البنات
يووووم شافوه وهم يعرفونه ويغيبون بناتهم
ويدخلونه قالت ابي ماااء ويسقووونه
وهو يجي ولدهم يشوف اصبع اخته وهو يعرفه و هو يعلم اهله
وهم يرووحون يطلعووون بنيتهم ويحطون بداله تسلبتهم وجريانه
يوم خلصت تريترا قالت الله يعافيكم وهي تمشي وترتسب حممااااره وتمششي
يوووم صارت بنص الصحرا
جاعت
وتبي تاكل البنت
وهي تفتح الخيشه
وهي تطلعله التسلبه وهي تعرررررررش وجهه وتاكله اكل
وهيي تمووووووووووووووووووووووووووووووووووووت
وهي ترجع التسلبة لاهله
انتهت
^
^
^
وكنا نسسسسمعه كل ليلة واللي قاهرن اننا ننخرع وتنفضخ قلوبنا هههههههههههه
اييييييييييه يا تلك الايامممممم
اللي عنده رواية غير او تعديل بالاحداث يضيفها برد
لاهنتواااا
رد مع اقتباس
المفضلات