ياحلاوة صرختك .. والحر تكفيه الأشاره
منت في غزه وحيد .. الأ معك عشرين دوله
**********
يانهار كل ماله يسقي الليل المراره
معليك من الفوازير .. الفوازير محلوله
**********
البطل ( ياشيخ ياسين ) أن شكى التاريخ عاره
قوم الدنيا وطش وراه .. وقال قوله
**********
والبطوله تارة تشرق ضحى .. وتغيب تاره
يابطل علمتنا كيف ابجديات البطوله
**********
أنت لا من قلت "لا" صديت لك خمسين غاره
وأنت لا قلت "أيه" تشحن لك مية صوله وجوله
**********
كل وسم بجلدك الصوان طير له شراره
ياشموخ(ن) تنحني لك هامة الدنيا خجوله
**********
وأن حنت ظهرك كرابيج(ن) تعزأسخف حضاره
ماتذلك وانت شيخ(ن) ممتلي دين ورجوله
**********
بس حدثني حديث الماء لعشاق الطهاره
عن بلاد(ن) صار للجغرافيا فيها ألف صوله
**********
عن صمود مخيمات(ن) تنشد الفزعه زياره
عن رجال(ن) لاخضوع ولا نفاق ولاعموله
**********
عن جراد سبب الرعب أسمه "أطفال الحجاره"
القدر بالحرب عوضهم .. مراجيح الطفوله
**********
عن عروس(ن) فجرت "عشرينها" لعيون حاره
وأذكروا سكانها أيام من الخنسا وخوله
**********
عن هذيك القبه آخر حلمنا وأول مناره
بيلسان(ن) .. عزه الله وأحتضن مسرى رسوله
**********
عن حماس الرايح اللي كل ماذعذع سماره
لان وجه القاع وأهتز البحر عرضه وطوله
**********
عن زغاريد البنادق .. هي تظاهر بالغزاره
عن عصافير البيادر .. هي تحلق بالسهوله
**********
عن شبابيك اليد اللي حرمت لمس الستاره
عن رغيف(ن) من صباح الله قليل اللي ينوله
**********
عن سما الموال وارض الدبكه و رقص العباره
والتفاصيل الكثير و خطوة الذهن العجوله
**********
عن يسر مدري عسر مدري كسر مدري جباره
هدنة(ن) لعيون عيد(ن) مادرينا عن حلوله
**********
جيلنا مل الجرايد مالقى فيها بشاره
وأكثر الأجراس خرسا والزمن هذي فعوله
**********
ماوعينا الأ على النكسه و موال الخساره
نحسب اللي وسط بال أجدادنا نقدر نطوله
**********
ياحـــرام .. الحر أجل ماعاد تكفيه الأشاره
وش وراء الخمسين عام(ن) بعثرت عشرين دوله
___________________________
___________________________
___________________________
كتب الشاعر / ناصر القحطاني هذه القصيده عندما ألتقى الشيخ / أحمد ياسين أثناء زيارته للمملكه وشاهد آثار التعذيب على جسده المنهك في المعتقلات الأسرائيليه ..
*******************
أخوكم
سالم الشمري
الدمام
[/poet]
رد مع اقتباس
المفضلات