عسى النماصي مايقارب جهنم.. ابن الحصان من الطنا حامي النوق

[قصير خليوي الشمري]

هذي الأبيات مناسبتها الحقيقيه تكفل النمصان بعلاج مريض الفشل الكلوي فيصل خليف النماصي خلال ساعه واحده اثناء ملتقى قبيلة النمصان السنوي بمحطا برعاية الشيخ عارف حمود اللحيدان حيث وصل المبلغ دبل المبلغ المطلوب خلال ساعه #النمصان_يتكفلون_بعلاج_فيصل




عسى النماصي ما يقارب جهنم..
ابن الحصان من الطنا حامي النوق

والله ونعم وحق يوم اتكلم..
رح اسأل التاريخ والعلم موثوق

يوم ان فيصل بالقبيله تعمم..
جاه الوفا والطيب حاضر ومطبوق


ربعك صناديد الوغى تجدع الهم..
وهايب اللي بالسما معتلي فوق

محدن نخاه لشي بعده تندم..
مع النماصي كل مطرود ملحوق

لو حاجتك بالصين دربه مجررم..
نسوق ماتعسر على غيرنا سوق

حنا هل الصعبات للمعجزه تم..
يوم القبايل ترهب الغزو والبوق

ننزل بوجه العاصفه ونتقدم..
للناس درعن شامخن يشبه الطوق

"الأوله" ملكن لنا بأحمر الدم..
ورثن لنا معروف والرزق من فوق

#قصير_الخليوي

[المشرف العام]

/

جزاهم الله كل خير .. ولا هي غريبه عليهم فعل الخير


تحياتي

اخوك
ابو سلطان

[شهرزاد]

ونعم الوف بالنماصي واهل النماص