صفحة 1 من 4 1 2 3 4 الأخيرةالأخيرة
النتائج 1 إلى 10 من 34

الموضوع: وقفت على الهوز

  1. #1

    إبهام فوق وقفت على الهوز



    وقفت على الهوز



    يامن عين الخزان

    يامن عين الخزان الجديد الي مالو الا شهر بالخدمة

    يامن شاف الدينمو شمسان <<مذكور بالخير يا عضوٍ معنا قبل اسمه شمسانJ





    يالربع سرقت سرقة خبلة عيت تخش مخي



    هالحين خزان منا كبره يشال من وسط له حي ولا أحد يشوف هلي شالووه!!



    شايلينه مقصوفين الرقبة هو والدينمو ومخلين هوز الماء<<للذكرى J



    لا والمبنى مقابل مبنى الإستخبارات<<لا تدري عنهم ايران بس



    والجار "مهو جار بالحيل" بس أقرب الي خالصةٍ بيوتهم لي جيت انشده قلت شف اغدي حدا العيال ولا أهل البيت سمعوا قرقعة تحميل الخزان ولا شافو سيارة تورد الشك ولا شي قال لا لا ماحد يشوف والناس نوما والسرقات واجد مار تسان هذا ترى عندي خزانين للبيع واحد جديد ما استعملته الا كم يوم وانزل لك على سعر السوق والثاني لا بالله نص عمر واراعيك به<<ول عسى مهي جيرة هل العفنان أنت وجيرتك مار بدل ما تضامن معي وتفزع تبي تستغل حاجتي يا .........J



    لا والشرطه آه يالشرطه!!

    اشتكيت عندهم وهم يحققون معي وش اسمك وعمرك ومتزوج ولك نية تعرس مرة ثانية أو انت من أنصار التوحد<<شكيت ان لعبدالرحمن يد بهالتحقيق!



    وعقب هالحتسي وهو يقوم يسرد لي كثرة السرقات مدري يواسيني ولا يأيسني ، قلت طيب انتم حققوا واسئلوا بالحي خاصة والبنيان فيه كثير والعمال واجد قالوا يصير خبر بس رح انت ولا عليك!!



    ويوم والثاني الا الربع ما عندهم طاري شر واروح وأدخل على مديرهم واشرح له الوضع ولاهو متحمس معي ، عاد أنا متحدي ودي أروح الأمارة أو المحكمة مندبلة تسبدي مار ويتحمس مع شرحي ضابط عند المدير (رائد) وياخذ المبادرة ويطلب الي أخذ البلاغ مني قال هالحين تطلع دورية وتعاين وتسئل وتحقق مع كل من له علاقة مهما كانت بعيده<<امتص حماسي المذهوب!!



    ويطلعون ويسئلون عمالي وعمال بجنبي سؤالين أو ثلاث قالوا خلاص حنا نبي نتواصل معك بما يستجد<<مهو مستجد شي على ما أظن



    عاد يوم قفت النجده واروح أزدخ لي خزان جديد كباير بالحيل بالحيل<<اغديهم ما يشيلونه



    واجيك للدوام يمار الجو غيم ومنا زينه وهو يزين جوي واستحضر بنفسي ان ما عند ربي أبرك مما أرجي ومما أخطط ، وأنا اتهيض بهالبويتين أحاتسي هوز الماء الي خلوه لحيله بين هالخشب والصبيات بعد ما أخذوا الخزان والدينمو



    يا هوز يا هوز وش بك ليه متطوّي**على الخشب والقواعد تقل ثعباني

    ضامر وشاحب وهزل وعودك مذوّي**من بعد منته تشادي غصن ريّاني

    شالوا مِنَكْ دينمو بحماه متلوّي**وشالوا مع الدينمو يالهوز خزانّي

    حسبي على الي حديهم كنه البوّي**شلة فتى العشة وخزان الاحزاني

    سمرمد بغير سلب ونهب ماتضوّي**لاهي رجاجيل وجه ولهي ورعاني

    ولا عماله على ما تبغي تسوّي**مامن قوانين ولا يردعه سلطاني

    الأمن ياللأسف من فترة مهوّي**فوضى تخيف البريء ويامن الجافي

    يالهوز شوفك كذيه ينعفس جوّي**لو انهم سارقينك لاجل ما تعاني

    وعن التانكي يعيض ربي بصادق النوّي**يسقى الشجر والحجر وتسيل ودياني

    آامد هوزي بجنب الارض واروّي**كل الأراض البوار تصير غدراني



    تحياتي



    عائدون عائدون
    سيعود الجميع ان شاء الله


  2. #2


    العوض على الله يابو خالد

    الخطاء عليك يابو خالد وانت ليه مخلي الخزان فاضي من الما


    صح لسان على هالقصيدة


    لك تحياتي




    شاقني شوف الحصان اليعربي
    لنه اجمل خيل من بد الخيول
    مايقارن به مهجن واجنبي
    ياحلو خيل الصحابه والرسول

  3. #3
    حبك طعجني الصورة الرمزية شنقل


    تاريخ التسجيل
    05 2003
    الدولة
    تنجيقيا
    المشاركات
    6,698
    المشاركات
    6,698


    انت صادز خزانك انسرق










    يافلان وش تقول باللي سرقوا منه كيابل كهرب بقيمة 40 الف


    <<< يصبخ راسه بالجدار



    واللي قهرني كاتبين على الجدار
    مع تحيات قرووب كوكا كولا





    تعال خذ خزاني ماني مشطب البيت ابي ابيعه



    .... جاكم احد امس ....

  4. #4


    نشقل وشي مواصفات خزانك







    الظاهر الذئب بالجليب يابو خالد




    شاقني شوف الحصان اليعربي
    لنه اجمل خيل من بد الخيول
    مايقارن به مهجن واجنبي
    ياحلو خيل الصحابه والرسول

  5. #5
    هذرلوجيا

     

    [ مشرف المضيف الإعلامي ]

    الصورة الرمزية ابو فارس


    تاريخ التسجيل
    09 2001
    الدولة
    هذرلوجي
    المشاركات
    8,476
    المشاركات
    8,476


    ابو خالد
    اكيد هذولا من فيدين المياه
    اللي يقطعون عليكم الماء..

    اشك اشك فيهم


    بعدين جارك اللي ورا بيتك ابو طلال
    يقول مرة انقطع الماء عني
    واشغل الدينمو وانتظر وانتظر
    مافيه فايدة
    واطلع فوق السطح يوم جيت الا الخزان ماخوذ
    هذا وهو ساكن بالبيت

    بالاخير حصل الخزان طايح وراء البيت من الهواء


    حدد موقعك ونبحث معك




  6. #6
    مشرف مضيف الطب و الطب البديل الصورة الرمزية صلفيق


    تاريخ التسجيل
    05 2004
    الدولة
    السعودي
    المشاركات
    10,405
    المشاركات
    10,405


    وعن التانكي يعيض ربي بصادق النوّي**يسقى الشجر والحجر وتسيل ودياني
    آامد هوزي بجنب الارض واروّي**كل الأراض البوار تصير غدراني



    اللهم آمين ،، يجيب الله خير ان شاءالله


    الله يعوض عليك يابو خالد

    ذكرتني ....
    والله انهم سرقوا كيبل كهرباء من طبلون الدور الأرضي الى طبلون الدور الثاني هكالوقت قبل لايوصل التيار


    ابو خالد..
    سمعت لي خوش سرقة
    واحد عنده غنم بالمزرعة، وفيه عامل. وهكالليلة دخلت دينّا وتغيّب العامل ـ وحملوا اللي تشيل السيارة من الغنم.
    وهم طالعين .. نقز العامل بالسيارة، وتغيّب بوسط الغنم، وبجواله قعد يكلم كفيله [واللي بدوره كلّم الشرطة]،
    والعامل يوجههم باتجاه السيارة وكل طريق ياخذونه لحد مامسكتهم الشرطة بكمين على الطريق.
    >>>>>>>>>>>> بالله هالعامل مايستاهل ؟؟؟ <<<<<<<<<<<<



    تحاياي،،،



    !!!!!!!!!!!!!!!!!! الا شنقل منين طلع ؟؟ !!!!!!!!!!!!!!!!
    حياك الله شنقل




  7. #7
    مراقب إداري الصورة الرمزية الشبث


    تاريخ التسجيل
    05 2004
    المشاركات
    21,609
    المشاركات
    21,609


    غدرااااني



    صح لسااانوووه



    والله يعوضك خير


    احتسب يابو خالد





    بس والله اني شرهت عليك يوم تقول انك رايحن للشرطه


    بس تعبن عليك وهذي هي



    لو انا منك قايلن لهم ارهابيين شالوه مني بتهديد السلاح وربطوني ولا شفت سيارتهم ولا شي


    من بااااتسر وهم تالينهم لك





    وتقلد تحيتي



    game over

  8. #8
    مشرف مضيف قصه وقصيده وتاريخ شمر
    مشرف معرض صور شمر
    الصورة الرمزية أبو فهد


    تاريخ التسجيل
    07 2003
    الدولة
    جدة
    المشاركات
    7,288
    المشاركات
    7,288


    والله شرهتهم كبيرة


    ماهم من فيدين دبة غاز و ريسيفر و هالشغلات الخفايف <<<<ولو إن دبة الغاز موب من الخفايف الأكيد راحوا الطيبين


    خزان يا ساتر سترك


    طيب دور يمين يسار مثل ما قال أبو فارس



    و الله يعوض عليك




    ---------------
    أبو فهد الهمزاني



    الآن شرح طريقة رفع الصور عن طريق معرض صور شبكة شمر
    من هنا

    شرح طريقة عمل ألبوم بمعرض صور شبكة شمر
    من هنا

  9. #9
    نائب المشرف العام الصورة الرمزية عبدالله الجعيثن


    تاريخ التسجيل
    03 2002
    الدولة
    بقيق
    المشاركات
    23,585
    المشاركات
    23,585


    اشوف ابو يوسف قبل كم يوم دق علي



    يقول ابيك تصير موزع لي ببقيق ههههههههه يبي يتاجر بخزانات ماء مستعمله <<<فضحه



    اعزف على عود المشاعر تقاسيم
    .... شفني جمعت اضلاع صدري لك اوتار

  10. #10
    مراقب إداري الصورة الرمزية الشبث


    تاريخ التسجيل
    05 2004
    المشاركات
    21,609
    المشاركات
    21,609


    ^

    حتى انا كلمن بس ما طرى علي هالشي


    يعني قولك انوه زرف ابو خالد




    وتقلد تحيتي



    game over

صفحة 1 من 4 1 2 3 4 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

المواضيع المتشابهه

  1. وقفت في راس الطويلات نشاد
    بواسطة واحد شقردي في المنتدى الشعر المنقول
    مشاركات: 13
    آخر مشاركة: 18-02-2010, 17:53
  2. وقفت شـــاعر
    بواسطة فواز الغسلان في المنتدى مضيف قصة وقصيدة وتاريخ شمر
    مشاركات: 12
    آخر مشاركة: 24-01-2007, 00:54
  3. مالي وقفت على القبور
    بواسطة هند القاضي في المنتدى الاهداءات المرئية والسمعية
    مشاركات: 19
    آخر مشاركة: 23-01-2007, 00:47
  4. ~*¤®§(*§ وقفت ذات على البحر §*)§®¤*~ˆ°
    بواسطة ][|| كاسر ||][ في المنتدى المنتدى الاسلامي
    مشاركات: 1
    آخر مشاركة: 13-12-2003, 04:44
  5. بينكما وقفت...........!!
    بواسطة الامير في المنتدى مضيف فيض المشاعر
    مشاركات: 5
    آخر مشاركة: 11-06-2002, 16:07

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
جميع ما يطرح بالمضايف يعبر عن وجهة نظر صاحبه وعلى مسؤوليته ولا يعبر بالضرورة عن رأي رسمي لإدارة شبكة شمر أو مضايفها
تحذير : استنادا لنظام مكافحة الجرائم المعلوماتية بالمملكة العربية السعودية, يجرم كل من يحاول العبث بأي طريقة كانت في هذا الموقع أو محتوياته