عبور ..
ترى اصدق انواع المحبَّه تعابير
.....حبْ افتقد للوصل وازداد قوَّه
لا ماوقف به ريح بُعد وأعاصير
....يظلّ عالي لو ملا الغيم جوَّه ..!
كلّ ليلة اسْهَــــــرَك ذكرى ومواويل وتمنِّي
كل ليلة يذْكرَك قلبي ويصـــرخ بك لســاني
كل ليلــة ألمحْ طْيوفك وانــــــــاديها يجنِّي
كل ليلة بك امــوت وانخلق لك شخص ثاني
يالقريب اللي ظــــروفي مبعدةْ بك حيل عنِّي
لا تقول اني بعيده .. أنا جنبك مــــــاترانــي؟
غمض عيونك دقيقه وانصت لحــزني يغنِّي
ايقظ اســــراب الحنين وهِيم فيني لو ثواني
انشــــد احساسك وقلبك هل تغير شي منِّي!
حينها تعـــرف حكاية قلب من بُعدك يعاني
ابتعد عنّك مخـــــــافة لاهو صد .. ولاتجنِّي
واستجـار بثوب صبرٍ من فراقك ماكساني!
حتى نبضي من تركتك لـــي تنكَّر وامْتحنِّي
صار صخرة عالقة باقصى المعاليق بكياني
ادري بحزنك وربي واشــعر بعمقه سكنِّي
بس انا كنِّي سفينه ابحرت .. وبلا موانـي
ضيعت كل الجهات وخانها الدرب وخذلني
موجها العاتي بلا رحمة ترجِّع لي أمانــي
كنت اقسى وداخلي يبكي من الضيق ويونِّي
ما ابيك تحس ضعفي ولا في نومٍ جفـــــاني..
وصرت بعدك كل ليلة اذكرك حسره واغنِّي
مو غريب اني اعاني / مثل كل الناس اعـاني !
:
اللي ابيه الحين تكون في خير
ومن بعدها وش ماتبي روح سوَّه
""""راااقت لي""""
رد مع اقتباس
المفضلات