ياصغير مـا يكـبرني لقب
وما يصغرني الى انكرني صغير
ماخذينا الصيت من جمع الذهب
ولانسابه شيــخ او قربه وزير
كاسبينه من هل السيف الـحدب
الجنايز كان مــاجاك النذير
صيتهم نجمٍ على راسه لـهب
سمعوا الصقهان به واجهر ضرير
بالوفاء تـاريخٍ ابيض ينتصب
لاحكوا بالحق حيـين الـضمير
ضيغميٍ لـلسنـاعـيـس انـتسب
لابتٍ طـلنابها عــرشٍ كبير
عند حدك يا كثير الهـــرج تب
ولاتــمر النار وثيـابـك حرير
كان لـك عزٍ بــذلي فـتـعـقـب
والله لا تـبـطـي وحبلك قصير
احسبك انك من صناديد العرب
واثر ساترتك عباتك يـاغرير
ماحسب للـسـوس زراع القصب
والقراده ما درى عنها البعير
ولو حسبنا للـحسايف والتعب
ما بذرنا يالعـصافـيـر الشعير
عن هـلك ابــراي لله واحتسب
الــرجال اللي مــجـاراهم عسير
من قريش المصطفى وابو لهب
والـدغالب ما غشت عذب الغدير
للرجال من الرجاجيل الـعتب
والزكاة تحل في حال الفقير
لعنبو وقتٍ غـدينا به حطب
تحرقه نارٍ يـثـورها اجير
ماالومك والزمن سوى العجب
هو بقى غيـر الكرامه بالجفير
ما اذل وراسي يشم المهب
لو بقى من شمرٍ طفل غرير
ما اهاب ولا يزلـزلـنـي غضب
الـشجاعه ورث والعاقل غزير
ياصغير مـا يكبر باللقب
غـيـر منهو كان من دونه صغير
رد مع اقتباس
المفضلات