المسطور!!
جيت المجلس يمار اللاب توب مطوح وغطاه مفتوح شوي والبطارية مرمية بشنقه وأنا أخمشه يمار الشاشة له قروشه ومتنثره داخله ما ماسكه الا الغطا الشفاف
ليه يا فهد ؟ ليه يا ماجد؟ والله يبه ما ادري
لعن أبوكم شلون ما تدرون قالوا يمكن طيحته رغد<<كل المصايب يحطونهن براسه
وين جته ووينكم عنه يوم قامن يتبادلن اذانهم وكلٍ يطالع بخويه
قال فهد يبه ماجد طيحه بس ما يدري به ، وماجد مدنق ويطقطق بالآيبود!!
ماجد!! ليه يا ماجد؟ قال مادري به وطاحقلت يطيح ويتنثر وتتكسر شاشته وانت ما تدري به !!!
قال كنت معصب ودفيته من فوق المركى وطاح
واتحقق منهم الا ماجد يلعب بمسابقة وفيها لغز مدري شلون وعجز عن حله وهو يمسك اللاب توب ويحذفه طول يده يمار مكسره!!
ومتواصي هو وأخوه الي أكبر منه "فهد" انهم يسوون نفسهم ما يدرون ويتهمون به رغد!!!
يوم استوعبت السالفة يمار كل عقوبه تطري علي قليلة بحق المسطور مويجد
قلت آخذ رايكم ولا خاب من استشار أبي عقوبة رادعة لهالوغد العنيد الي ليا عصب نسي نفسه وسوى الي براسه دون ما يحسب لعقوبته مع أنه أكثر واحد ياخذ طق وعقوبات مني ومن أمه!!
عاد وش رايكم؟ أكسر بقية هاللاب توب على راسه؟ ولا أتسوي يدينه الي كسرن اللاب توب؟ ولا أشلوط راسه الي تقل شعر قنفذ ؟ ولا أحرمه من الأجهزة من كمبيوتر لآيبود لبليستيشن لجوال؟ ولا وش السواة؟
رد مع اقتباس
المفضلات