من روائع الامير عبيد ومعارضه الشاعر فيصل بن طواله
القلب من كثر الهواجيس قزان = مايستريح من الدهر ربع ساعه
ياغافر الزلات ياوالي الاحسان= تجعل من التقوى لنفسي بضاعه
انا على لان ... وربعي على لان= متخالفٍ رايي وراي الجماعه
ماني بشاوي يربي من الضان= يقنع باشراك البهم في ارضاعه
انا ولد علي سلايل كحيلان= ربي خلقني لسبايا وداعه
الناس ماتسقيك لى صرت عطشان= يا صار ماشرب الفتى من ذراعه
اضرب على الكايد لياصرت بحلان= وعند الولي وصل الحبل وانقطاعه
عيبٍ على اللي يتقي عقب مابان = وعيبٍ طمان النفس عقب ارتفاعه
اما تجي بعقود لولو ومرجان= والا فهي لابليس طار بشعاعه
واطرا به الدنيا مع الفجر دخان =وكرارة باطراف خطو الصعاعه
رد مع اقتباس
المفضلات