,
’
ليت الورق يقرا وش اللي كتب فيه....... وليت القلم يدري وش اللي جرا به
أن كان ما تمسي فـ صدري مشاريه........ ولا أتضايق لو تضيق الرحابـه
وآآه. صوتي اللي عجزت الناس توحيه....... غريب يوم أصوات غيري تشابــه
البيت بيتك و المواري مـواريـه.......... لكن كـبرت ولاكبر معك بابه
و الناي لو نقض جروحك بـ أغانيه............. جروح غـيرك نـقـضتها ربابه
ما هو يتيم أن كنت أنا اللي مغنيه.......... ولاهـو فـقـير أن كان جرحي زهابه
و الغايب اللي يغري الشعر طاريه.............. مـا قل قدره لو يطول غـيابه
كم لي و أنا أحث القصايد تخليه........... حتـى تلاشـت رغـبتي في الكتابه
و الشعر لو يفقد حروفه و أساميه........... مـدري وش اللـي بعـدها ينبغابــه
أحترت بين أعتب عليه و أراضيه.......... أخاف لا يـجـرح رضاه بـ عـتابه
أحيان أقول آبيـه , و أحيان ماآبيـه......... الا أبــيـه و لـو يبي لـي عـذابـه
يـ اللي تجونه دامني ماأقدر آجيه......... وصوا ذهـابه .. لا يـشح بــ أيابه
و قولوا له أني من كثر ماني أغليه......... أشـرب سرابه و أرتوي من سرابه
وعلى كثر ماأنسى اذا قلت ناسيه........... دار الزمان و جاب عشقـه وجابه
حنيت لـ أيامه و ضحكت لياليه............ قبله وبعده كــل وقـتي رتابه
أن لمت قلبي عاقبتني محانيه......... وأن قلت ابرضا عز نفسي رقابه
البارحة كنت أكسر الروح و أنهيه.......... كان الورق أرض و عيـوني سحابـه
زرعت ماأحبه ولا عاد لي فيه............ وجنيت أحبه لو يطول غـيابه
راقت لي
رد مع اقتباس
المشاركة الأصلية كتبت بواسطة صلفيق
المفضلات