[ مطوّع ] .. بخيل ..!

**رضا الزميلي** · 21-01-2012 21:33

السلام عليكم ورحمة الله وبركاته ..

أروع أعضاء .. لكم منــّـــي تحيــّـــة ملؤها الحب والتقدير ..

كنت أتعشى مع خويي اليوم ..

عند الحساب .. قال لي المحاسب الأفغاني .. حسابك (13) ريال ..

طلعت له الـ " ثلاثطعش" .. وقلت له .. ممكن تفصل لي بسعر كل طلب !

رفع راسه وقال .. [ مطوّع بخيل !! ]

أنا عادتي .. إذا اشتريت مجموعة أغراض .. لازم أعرف سعر كل غرض .. حتى لو كان السعر رخيص ..

بالمناسبة .. أنا ضحكت يوم قال الأفغاني مطوع بخيل .. وقلت له .. [ صديق .. ليش .. هذا عيب ! ]

قال .. [ لا لا صديق .. عادي ] ..

قلت له .. [ فلوسك تجيب كاملة وزود .. بس ما يحق لي أعرف سعر كل طلب طلبته أنا ..! ]

طلعت من عنده وأنا أضحك

رأيكم .. جداً يهمني ..!

رضا الزميلي

**ريال الفسحه** · 21-01-2012 22:38

يابخيييل ليه ماتعزمني ..

رايي ان الافغاني معوه حق وطبعا ليس الحق له بعدم
ابلاغك عن تفاصيل السعر ولكن له الحق بالاندهاش
لانك اول سعودي يساله

تعوّدنا مانسال .. ندفع ونمشي ..

صحتين وهنا ع قلبك رضا ..

**الحيمري** · 21-01-2012 22:51

الهدف اللي كتب من اجله الموضوع

هو انتقاد لصاحب المطعم او لسؤالك له

دمت بخير

**رضا الزميلي** · 22-01-2012 20:35

هههههههههههههههه ..

هلا وغلا بريالوه ..

يا كثر ما شفت نفس جوابك من أكثر من عضو .. ههههههههههه .. [ يا بخيل ما تعزمني ]

فعلاً .. نحتاج لأن نفعــّــــل ثقافة الوعي لكي نتجنــّــــب تلاعب الوافدين واحتيالهم ..

لاهنت يالغالي على تواجدك الرائع ..

رضا الزميلي

**رضا الزميلي** · 22-01-2012 20:38

أهلاً وسهلاً بالغالي .. الحيمري ..

الهدف هو أن نعي أن العمالة تــُـــحاول استغفالنا .. وذلك تحت صفة "الكرم" ..!

كثيراً ما قابلت عمالة .. يقولون .. [ أنتا سعودي ما فيه مسكين .. فلوس واجد ] ..!

تحس .. أنهم يحاولون جاهدين .. أن يستحوذوا على أكبر قدر ممكن من مالك الذي معك ..

انتظر وجهة نظرك يالغالي ..

رضا الزميلي

**الحيمري** · 22-01-2012 21:52

المشاركة الأصلية كتبت بواسطة رضا الزميلي

أهلاً وسهلاً بالغالي .. الحيمري ..

الهدف هو أن نعي أن العمالة تــُـــحاول استغفالنا .. وذلك تحت صفة "الكرم" ..!

كثيراً ما قابلت عمالة .. يقولون .. [ أنتا سعودي ما فيه مسكين .. فلوس واجد ] ..!

تحس .. أنهم يحاولون جاهدين .. أن يستحوذوا على أكبر قدر ممكن من مالك الذي معك ..

انتظر وجهة نظرك يالغالي ..

رضا الزميلي

الغالي وجهه انظري منك اقول انك وبسراحه الله يكثر من امثالك

وانا من اول فاهمك وبيك توضحها للقارئ وياليت الجميع مثلك

فعلا ً الاجانب تستغفلنا بشتى كلمات المدح يسرقوننا عينك عين

ومعليش وضحت لك الهدف
وشكرا ً لك ولمقالك النير

**متعجب** · 22-01-2012 21:53

ياخوي يا رضا

عشا ب ١٣ ريال !!!.. يعني ادون من الدينار ولشخصين !!؟؟

بصراحه شكلوه معوه حق هالكاشير

،
،
كاشير افغاني بعد

،
،
معك كل الحق في الاستفسار اخي الحبيب من باب انه حق من حقوقك
فلوس مقابل خدمة
والبخل بعيد عنك

**بالمختصر..** · 22-01-2012 22:05

،

وشو عشاكم ؟

معك حق تسأل .. و مو غريبه إن العامل يستغرب من سؤالك ..

و هذا الشي ما له علاقه بـ البخل ! لأن اللي أعرفه إن فيه بخلاء ما يقصرون على أنفسهم من ناحية الأكل ..

أنا قبل كنت أحاسب بدون ما أدقق و بعض المحلات بدون فواتير .. والله بعضهم يزود من عنده ( أقل شي ٢٠ )

والله مره المحاسب إرتبك يوم شافن أحسب بـ الحاسبه اللي بـ الجوال

بس اشوا اخواني يحاسبون عني دايم ..

و حتى المحلات اللي يعطون فواتير أحياناً يتحايلون من ناحية الأسعار و إذا دققت قالوا السعر للمقاسات الكبيره مثلاً يكون فرق شوي و ألا يقول ما عليه تخفيض و ألا ما عليه عرض و نسينا ننزل الستيكر :/

و هلم جرا ...

.
.

**أبو فهد** · 23-01-2012 21:14

تحتاج إلى تجربة في المطاعم اللبنانية بلبنان

حيث ستحتاج إلى السؤال عن الأطباق قبل طلبها لئلا تكون فريسة سائغة لجبال البخشيش

و كونك تسأل عن تفصيل المبلغ من أبسط حقوقك ولا عيب في ذلك و لا حرج

شكرا لك

-----------------
أبو فهد الهمزاني

**رضا الزميلي** · 23-01-2012 23:18

أهلاً وسهلاً بالغالي .. الحيمري ..

أهلاً بك .. وبعودتك ..

شاكر لك هذه الإطلالة الرائعة ..

وفعلاً .. نحتاج لئلا ندع لهم المجال ليتلاعبوا ..

شاكر ومقدر لك مرة أخرى ..

رضا الزميلي