قصيدة متنبياويه
من أجمل ما قرأت في باب المدح لشاعري المفضل عبدالله بن زويبن الحربي
لي إبن عم كـل وقـت أفتخـر فيـه
يـوم إن كـل ٍ يفتخـر بإبـن عمـه
تنسـاق جـزلات المعانـي لطاريـه
ويصير في صدري على الشعر همـه
هداج تيمـاء اللـي مدالـي سوانيـه
تسعين غـرب .. ولاتغيّـض مجمـه
قصره شمال الفحص .. وأبرز مواريه
العـود ريحـه قبـل تصلـه تشمـه
كل السماء اللي فـوق بيتـه مغطيـه
يعـوم مـثـل الغيـمـه المدلهـمـه
كوم العظام اللي ورى السور راميـه
مثل الحطـب يـوم الصبايـا تلمـه
لـولا النظافـه كـل ساعـه تحاظيـه
تلقـى لحـوم البـل جنبـه مخـمـه
والباب فاتح .. فيـه وإلاماهـو فيـه
للي يجـي ناصيـه مـن كـل يمـه
يدخل به الموتر ماهو بـس راعيـه
مجالـس ٍ مـن كبرهـا تأخـذ أمـه
الراس شامخ فوق والكيـس مرخيـه
تحيتـه ذربـه .. والأخـلاق قـمـه
لـو تطلبـه مايملكـه قـال هاكيـه
زود الفلـوس ونقصـهـا مايهـمـه
لو الردى فرض ٍ من النـار ينجيـه
كفر .. وجـاب الكارثـه والمطمـه
والطيب لو هو سـم شربـه ويمديـه
يمديه مـات ويمـدي القبـر ضمـه
من يوم سـارت بالبسيطه مواطيه
والطيب شربه .. وأكسجينه .. ودمـه
شمّـر "ودخّـل يـوم هبـت ذواريـه"
أكثـر كبيريـن الأسـامـي بكـمـه
أبوه جـده منسـب أمـه تعـب فيـه
وأبـوه تعبـان علـى منسـب أمـه
لاملمـح ٍ بإسمـه ولانـي مسمـيـه
إلا الليـا قالـوا لـي النـاس سمـه
قلت العليبي عيـد والمـدح ناصيـه
ومنقحـه عـن كـل هفـوه وزمـه
واللـي يبالـغ يلحقـنـه مشـاريـه
واللـي يغـط النـور مافيـه ذمــه
رد مع اقتباس
المشاركة الأصلية كتبت بواسطة شموخ شمالية
المفضلات