يالله يا قاسم على النـاس مـدّك// أنت الذي تقسم معوشـة عبـادك
تمدّنا من بـاب رزقـك ونـدّك// وعن حرّ صلو النار نطلب برادك
يالعبد لا تبدي على الناس سـدّك// بعض العرب ودّه يجـوّد قيـادك
يمثّل بوجهك دور شخصٍ يـودّك// وبحكي القفا يسعى لصالح لهادك
حربه خفيّ ودايم الـدوم ضـدّك// وليا حصل له فرصةٍ فيك صادك
على الكلام الشين غصبٍ يحـدّك// يبحث خفاك بشرهتـه وانتقـادك
لا تفتخر بأفعال عمّـك وجـدّك// وأنت الذي ما عاد يقدح زنـادك
يا صار يقصر عن مردّه مـردّك// ما ينفعك تنفيـخ طافـي رمـادك
تفخر بفعـلٍ مـا تحقـق بيـدّك// وتركب على كورٍ وتترك شدادك
ترى المراجل .. وقفتك عند حدّك// وبذل الجهود لعصبتك واجتهادك
وترى الكِبر بأثناء مسيرك يلـدّك// وتبلغ على ضوّ التواضع مرادك
واللي بدأ بالصـدّ بـاده بصـدّك// وعلى رفيع الشأن خلّ إعتمـادك
إعنز على اللي يا طلبتـه يمـدّك// هو الذي يكفـل شرابـك وزادك
وعليك باللي يـا نخيتـه يسـدّك// اللي بحـزّات اللـوازم سنـادك
لو كان مـا بـدّه قريـبٍ لبـدّك// يسوى القريب اللي يسرّه عنـادك
ومجالسٍ علـى النميمـه تحـدّك// أخير منهـا عزلتـك وإنفـرادك
وبعض المواقف للكتابـه تشـدّك// تبحث خفيّ اللي يكنّـه فـؤادك
منقول
الجرواني
رد مع اقتباس
المشاركة الأصلية كتبت بواسطة متفاائل
المفضلات