آه من قلبٍ نصحته مير علمي مافطن له
مستفاد من الدروس ومن غرابيل الليالي
ابتدى ليل القصيد وهاجس الخافق يتله
بين نسناس الجنوب وبين نسناس الشمالي
وكل ماهبت جنوبيه وشعري قمت اهله
ماذكرت هذيك ام الترف وام الدلالي
جادلٍ من حسنها قلب المغفل ماتدله
حرةٍ ماتعشق الا الطيبين من الرجالي
العنود اللي غلااها كل عرقٍ يستحله
غاليه هالبنت والله وسكنت في قلب غالي
اقبلت واستانس الخفاق واقلع من محله
وعانق اطياف الحبيبة واحتضنها مايبالي
من سقتني من غلاها كن خفاقي تتله
بري حالي لو نعشني صوتها يابري حالي
جعل قلبٍ ماعشقها تصدفه تسعين عله
الغلا اللي مايضم الريم ماهو راس مالي
لجلها اسهر طول ليلي واسبر نجومٍ مطله
اتحرى طلةٍ لاشفتها يرتاح بالي
علموها ان الغلا الصادق نعيشه مانمله
والغلا الكذاب مايسقي القلوب من الزلالي
رد مع اقتباس
المفضلات