إنتقآء من عنآقيـــــــــــد الشعــــــــــر .!

[al-shmaly]

سلام عليكم ورحمة الله

الشِعَر هو : مرآه الإحآسيس , وَ صدى الروح
. . . و ذبذبآت اللآشعور ,

ولآ أنستطيع تعريف الشعر بَ غير لغة الشعر ..


وَ لأنكّم تهتمون دآئما ً بِ رونقّ الشِعَر ..
فَ المسآحه هُنآ من أجلِكم فقط !
أنثروآ مَآطآب لَكُم من جنون الأبيآتَ



فقَط :
- إحرصوآ ، على الإهتمام بـ معنى الشعر ، ومستواه
- الابتعاد عن إدراج أكثر من مشاركه ، في نفس الوقت

وَ مآعدآ ذآلكَ فهو لكم




وَ بِطبيعتكُمْ : تّكونون أجمل وَ أبهى بِ كُل مكآن ,
لِ حُضوركم أعطُر تتنآثر هَ هُنآ / كَونوآ على الموعِد دآئما ً ..

al-shmaly

[al-shmaly]

وبســــــــم الله نبـــــــدأ :

يقسم حظوظ البشر عــــلام الارزاق
العالم الي دبيب النمــل داري بــــــه

سبحانه الي علم وشهو بالاعمـــاق
ولي نجوم السماء تخضـــــع لترتيبه

الي لاجف الشجر وطاحت الاوراق
انزل عليها المطر ثم سيـــــل اشعيبه

الكل في حكمة راضي ومنــــساق
راضـــي بلي يجيه وراضي بلي يصيبـه

[جمران]

فكره رائعه يالشمالي



بالتوفيق




تُثبّت

[al-shmaly]

انت الاروع جمران

والله يوفق الجميع

الله يغفر لي كبار المساوي
في يوم تجزا كل نفس بعملها

انا بوجهه من جميع البلاوي
وبحماه من طيش النفوس وجهلها

رب لغيره ما تلوق الشكاوي
اللي خلق كل النفوس وكفلها

لافكت ابواب الامل والرجاوي
افتر دولاب الزمان وقفلها

ولانقص ظني ولانيب اراوي
في قدرة اللي لستمالت عدلها

حتى لو ان قلبي شفوق هواوي
وله حاجة يسعالها ما وصلها

ما اخايل الدنيا بعين الشفاوي
السلعه اللي عند اهلها لاهلها

نفسي سموحيه وقلبي غناوي
واللي تروح ويعوضنا الله بدلها

[al-shmaly]

**
هبوب الزمـان وكنتـه والبـراد اشكـال
تقلب بـه الدنيـا واهلهـا علـى الجنبيـن
**
ولا اقسى على الصاحيين من كثرة الجهال
ولا اصعب على الجهال من سطوة الصاحيين
**
عسى الله يصيب مـدور الشـر بالسـلال
وعسانـا لاظـلّام ولاحـن بمظلومـيـن
**
ولانطـرد المقفـي ولانـكـره الاقـبـال
ولانخطي اليـا صـار مانقبـل المخطيـن
**
لو انهـم تناسـوا فعلنـا مانقـص مثقـال
من اللي تناسوا جعلهـم دايـم(ن) ناسييـن
**
ولا تذكرونـا غيـر فـي حـزة الانكـال
ليا اشتدت الازمة وخالط صفا الماء طيـن
**
نطب الخطر والخوف والموت طب هبـال
تقـول اننـا بمقابـل المـوت مستـريـن
**
بنفنـى وتفنـى عيالنـا بـس لانــزال
عزاز النفوس اللـي علـى حقنـا عييـن
**
على الراس طاقيه ومـن فوقهـا دسمـال
ومـن فوق دسمالـي عقـال(ن) يميـل يميـن

تقـل العوايـد يـوم تتعاقـب الاجـيـال
وسلوم الرجـال الاولـه تتعـب التالييـن
**
ولو نذكر اللـي راح ياويـل حـال وال
والبعـد روحـوا شيباننـا الزحـل الوافييـن
**
موصيننا بالصدق فـي القـول والافعـال
وفي جمعة تهتاب مـن قوهـا الطامعيـن