شيخة المنقول { مشاركة شموخ شمالية }
.
,
.
يمه أبسكب في عروقك حنيني
.........واْروي غلاك اللي ظماني ولا جف ّ
كم لي أنوّر من عيونك جبـيـني
...............وأقبّل يدينك من الكف ّ للكف ّ
كم لي و أنا اغسل من دموعك يديني
............. وأطهّر أركاني بها قبل تنشف ّ
يمه ولا من قد نستني سنيني
.......... تغمرني الرحمه من يديك والعطف
وليا سكني برد عمري تجيني
.......... إتلبّس أعماقي من دفاك معطف
وشلون أشكّل لك غلا خبريني !
...........وشلون أببني في سما طيبتك سقف ؟
وشلون أصيغ أفضالك بكلمتيني
......... لا صارت كبار الجمل بـ( ابسطك ) حرف !
وشلون أبزهد فيك وانت جنيني
............... في داخلي يمه لك أغصان تلتف ّ
يا اغلى بشر بالارض شافته عيني
............. تعال اخذني من شقا عمرك وشف ّ
لو تزرعيني لك ( أمل ) تحصديني
............ولو تقتليني متّ ما قلت لك : ( أفّ ) !
لو تضحكي شقّ الأمل نبض عيني
..........وإن شفت دمعاتك لك العين تذرف
إلي كتبت الحين ما هو حنيني
...........ولا يمثّل ربع حبك ولا نصف
ما هو القصيد اللي بيوصفك فيني
.......... حبك عجز لا ياصله شعر أو وصف
مصحوب يمه حبك بنهج ديني
........... ما هو على كيف العوايد ولا العرف
غصبا عليّ أغليك ما هو بيديني
.............. يا جنة الدنيا و يا منبع اللطف
يمه عسآآآاه الموت دايم يبيني
.............إن قلت لك : لبيه ! وبقلبي الــ( الأف ّ )
.
بنظري هالقصيدة هي شيخة المنقول وهي الاقرب لي
لانها كتبت لاغلى البشرية أمي الحبيبة
أمي التي مهما كتبت عنها لن أوفيها حقها
أمي هي من سهرت على راحتنا بعد وفاة والدي رحمه الله
وكانت لنا الام والاب في نفس الوقت
..
,
نقلتها الاخت عطر شمر قبل مدة ليست بالقريبة أيام أشرافي للمنقول العزيز
أعجبت بها كثيرآ وكانت الاقرب لي بعد القصيدة
{ يبه شلونك}
لكن بما أني أول الضيوف ماحبيت أختار لكم قصيدة كل بيت فيها يبكينا
وخاصة من فقد أباه
رحم الله موتانا وأبقى لنا الاحياء
.
,
دمتم بسعادة ورضا من الرحمن أخواني وأخواتي وعزوتي
أعضاء مضايفنا الحبيبة
أحلى التحايا للغالية بنت الجبل أخت القصيد
{ عطر شمر }
.
رد مع اقتباس
المشاركة الأصلية كتبت بواسطة الشبث
المفضلات