[align=center]
0
0
0
0
0
0
0
http://www.youtube.com/watch?v=fGigDKxzrM8
[poem=font="Simplified Arabic,5,#FF9A00,bold,normal" bkcolor="#181801" bkimage="" border="none,4,#400000" type=0 line=0 align=center use=ex num="0,#400000"]
بديـت باللـي شيـد الكـون تشييـد=ابـدع بخلقـه ثـم ســن العقـيـده
من بعد هـذا ياخلـف عيـدك اسعيـد=يالله لعـل ايـام عـمـرك سعـيـده
انتـه ومـن كثـر علـي التناشـيـد=ارسل لك المعـذار وقــره وعـيـده
والله مانقص فـي الحقيقـه ولا ازيـد=وقـع المعانـي واضحات(ن)وكـيـده
ودي بشوفتكـم وليـه بـهـا مـيـد=لكـن جرحـي ماتـوقـف صـديـده
كل(ن)شرى لبسه يبـا فرحـة العيـد=مـع الاقـارب بالثـيـاب الجـديـده
هـل الهـلال وقنـفـت بالزغـاريـد=اللـي لشـوف اديـارهـا مستعـيـده
واستركبوهـا صاملـيـن الاوالـيـد=كل(ن)يـقـول الله عليـنـا يعـيـده
العيـد يجمـع كـل ذخـر الاجـاويـد=هـذا ولـد عمـه ولاخــر حفـيـده
وانا ليـا جـا العيـد جتنـي لواهيـد=فـي وسـط قلبـي صاليات(ن)وقيـده
ماهـي بكـر مـرت عليـه تـراديـد=عنهـا نيـام أهـل القلـوب البليـده
ما ودي اشكي خايـف مـن المناقيـد=الـرجـل بنك(ن)مايغـلـق رصـيـده
ولا ودي اتـرك فرصت(ن)للحساسيـد=اللـي ليـا سمعـت كلام(ن)تـزيـده
واحترت بيـن اصدورهـا والمواريـد=من كل جانب صـوب نفس(ن)عنيـده
وسجـع الحمـام ملحنـه بالتغـاريـد=حـرك هجوس(ن)ساكنـه بتغـريـده
عجـلً يبـا المـرواح بينـه مواعيـد=تحـت جنـاح الليـل والكـل هـيـده
وخايف من اللـي يدركـون البواريـد=والا مـن الشيهـان بــاول هـديـده
كنه يقول اليا زعلـت اضـرب البيـد=ورزقـك علـى رب(ن)تكفـل عبيـده
ان كـان ماحولـك عيال(ن)صنـاديـد=اكضم علـى غيضـك وكـب اتعديـده
واصبر علـى الشـدات خلـك بليهيـد=تكسـب مناعـه للـيـال الشـديـده
دنيـا تقلـب خاينـه ملعنـت سـيـد=لـو انهـا قفـت تجيـلـك امعـيـده
يانيـم شـف قـدام عينـك شواهيـد=ابصـر بعينـك وافعـل اللـي تريـده
اللي لهـم بالطيـب منهـج وتمجيـد=مـاتـو ولحـد(ن)قـال والله فقـيـده
راح النظـر والوجـه يـم الهرابـيـد=صارو خيـار القـوم وهمـه فسيـده
ما بغاك يادار(ن)بهـا الظلـم والكيـد=يقولهـا اللـي ذاق ظلـمـه وكـيـده
ظلـم الطغـاه الحاقديـن النمـاريـد=سـود النوايـا والنفـوس المـريـده
تكاتفـو بالظلـم والـهـم مقاصـيـد=ولا الناس من ظلـم البـري مستفيـده
قول(ن) لجـدي قبـل لايـرزق اوليـد=انشهـد انـه صـار بيـت القصيـده
مايذبـح الرجـال ضد(ن)مـن ابعيـد=الموت وان جت ضدتـه مـن سنيـده[/poem]
للشاعر الكبير معوض سودان المطيري[/align]
رد مع اقتباس
المفضلات