ليت الغلا في داخل الصـدر ينشـاف
وافضـح غـلاك المستتـر بالادلـه
افرد لك ضلوعي .. لو ضلوعي نحاف
واطلعك عن قدرك .. وتعرف محلّـه
واذا ادركت نفسك مفاهيـم الاجحـاف
قلت السلام .. ( ودرب روحي ) تدله
ياللين القاسي .. ويالناعـم الجـاف
سيف التجافي وش يحـدك تسلّـه ؟
البعد عنق .. وجارف الشوق ..سيّاف
ياقف علـى عنـق الغيـاب ويذلّـه
ياآسري من كثر ما احتجت الانصاف
عليـك .. شهّـدت النجـوم المطلّـه
شهّدتها بإسم الغلا كـل مـا اعـاف
نـاس ٍ غيابـك ودهــا تستغـلّـه
ماتدري ان الحـب عاداتـه اعـراف
لو تِجرح الاعراف .. في الحب خلّّـه
امّا اختلال ٍ فـي معاييـر الاهـداف
والا ّ انحـلال ٍ فـي طبوعـه ودلّـه
وانا على ماكنـت عفـوي وشفـاف
صمتـي كـلام .. ونيتـي مسفهلّـه
مانيب من ربع التحـزّب والاحـلاف
ولا ابّت الايمـان الغليظـه ..جبلّـه
حطيت لك في صدري فراش ولحـاف
وسادته روحي .. والاضـلاع ظلـه
قلبي مجلـه تحـوي اوراق وغـلاف
وانـت الغـلاف المحتـوي للمجلّـه
وان عودت حياتي اربـاع وانصـاف
الـي عقـد حبـل المفـارق يحلـه
قلبي بخيـر ولاعلـى قلبـي خـلاف
طاريك يسـوى عنـده الكـون كلـه
ماهـوب متهيّـب ولاهـوب خـوّاف
من كلمـة ٍ فـي خاطـري مستقلـه
دوّنتهـا بالعمـد فـي قفلـة القـاف
كلمة غـلا مـن فكـر خـل ٍ لخلـه
واللي خلقني لو تمـادى بالاسـراف
ما احب احـد غيـرك ولا قالـه الله
رد مع اقتباس
المفضلات