[align=center][poem=font="simplified arabic,5,#ff9a00,bold,normal" bkcolor="#1b1b04" bkimage="" border="none,4,#400000" type=0 line=0 align=center use=ex num="0,#400000"]
ابــن المـطـوع مـالـقـا الـــدار مـاهــول=مِخلـي جنابـه عـن جميـع الونـس خــال
شافـه خـلا مـن عقـب ماهـوب مـنـزول=واقفى علـى اقـدام الحفـى يهـذل اهـذال
ابـن المطـوع مـات مــع درب مجـهـول=عطشـان فـي راس ابـرق ٍ نـايـفٍ عــال
لـكــن سـواتــي مـابـعــد عـاشـهــا زول=ولاقد سمعت إلها مع اهل الهوى امثال
عايشتـهـا عـمـري ثـلاثـة عـشـر حــول =اوهــو يـقـل عــن الثـلاثـة عـشـر حــال
انــا صغـيـر ونـاحــل الـخـصـر مـدلــول=سـبـع وثـــلاث معديـتـنـي ورى الـجــال
الفـرق عشـر وفيهـن اريــاف ومـحـول=فـــارق هـوانــا فـــرق راحـــل ونـــزال
صـبـرت عــل الضـيـق يـنـزاح ويـــزول=حـمـل العـنـا عــن بـايـد الحـيـل يـنـحـال
اقـــول اظـــن الـصـبـر يـنــدار بـحـلــول=صـبـرت واثــر الصـبـر مـاهـوب حــلال
ونويـت اكسـر حـاجـز الصـمـت واقــول= امـــا طــمــع والا مـنـاكـيـف و جــــزال
واجهتـهـا سـايــف وخـايــف ومـذهــول=واخبرتهـا بـا الحـال عـن خافـي الـحـال
واجهتهـا مـن راس مارسلـت مـرسـول=وردت بعـلـم ٍ ماخـطـر لــي عـلــى بـــال
قـالـت واشافيـهـا تـفـرّق عـلـى الـلــول=تــوك صغـيـر ولا بـعــد صـــرت رجـــال
لاشـتـد عــودك واصـبـح الـزنـد مفـتـول=ومـشـيـت مـابـيــن المـنـاعـيـر تـخـتــال
يـمـديـك تـلـقـى مـــن يـسـلـيـك بــدلــول=ويـحـطـلـك بـأقـصــى حـنـايــاه مــنــزال
و أقـفـت يلحّفـهـا مــن الـلـيـل مـجــدول=ماغطـتـه عــن نـاظــر الـطـفـل بـجــلال
واقفت وانا فـي موقـف اليـاس مخـذول=مفلـس افـلاس مضـيـع الـجـاه والـمـال
تفـتـر بــي دنـيـاي فـــي حـيــل مـشـلـول=مــن ماقـفـي ماطـاعـت الـرجـل تـنــزال
راحـت بفـال وغيـب الاحــداث مجـهـول=فـي فالهـا راحـت وانـا رحـت فــي فــال
واقفى الزمان وراح واطْول بي الطـول=وابطـيـت فــي رجــوى خـيـالات وهـبـال
ابطـيـت جـرحـي فــي خفـايـاي مشـيـول=نــوب يهـيـض ونـــوب يـلـتـف بـسـمـال
لا مــات مــن مـابـه ولا مـــات مـقـتـول=ابـطـى وتأثـيـره عـلـى النـفـس مـــازال
جــرح يــزوره ســاري اللـيـل مـحـمـول=علـى مـتـون اللـيـل فــي مهـمـه الــلال
يسقيـه فـي لــذة كــرى الـنـوم معـسـول=حـلــو الـمــذاق بـلــذة الـنــوم سـلـسـال
مــن منـهـل يـاعـنـك مـاهــوب مـنـيـول=صعـب علـى خيـار النشـامـى والانــذال
واليـا انتبـه جرحـي مـن النـوم مثـمـول=عــادت علـيـه اتــراح الافــراح تـنـهـال
امـر القضـاء لومارضـى العبـد مفعـول=يـصـيـبـنـا مـهــمــا نــحـــاول ونـحــتــال
هـذا جـواب اللـي عـن الـنـاس مـعـزول=عزل الجبـال الشـم عـن جـرد الاسهـال
واتـلا الجـواب مـن المساهيـر همـلـول=تـهـدى لـهـاك الــزول مــن بــد الازوال
[/poem]
للشاعر المبدع والمميز عايض العصيمي العتيبي[/align]
رد مع اقتباس
المفضلات