سجّلْ حضورك بـ بيت شعر ...

[ابو فارس]

على السكوت مهما يكن ماتندمت
..........................والا الحكي بعضه يجي دون مقياس
اكرب حزامك يوم انا لك تحيزمت
........................وشد البيوت وخلها تجلي عماس

[سالم الظفيري]

هرجك ذهب ياعزوتي لاتكلمت
..................شرواك لامنه هرج يرفع الراس
وانا اذا جاريت مثلك تعلمت
................. أن الرجال اجبال ياطيب الساس

[-------]

الا يسعد صباحك ..لاتنفس صبحي وعسعس ..!
انا ادري به صباح الخير .. مدامك ..جيت في بالي
.
.
ترى شاعر خفوقك ..لاحكى بك ليله وهوجس..
يفيق الصبح .. والدنيا غرام .. بصوت موالي

[كبرياء انثى]

العنبو الضيقه لاجات فجاءه

تأكل عروق القلب والقلب سااكت

[كبرياء انثى]

ستظل المرأة لغزاًمجهولاً ..في الوقت الذي يعتقد الرجل أنه قادر على حله

[سالم الظفيري]

الضيقة اللي تجي وتروح
ياجعل ربي يعدّيها
وش حيلة اللي غشاه النوح
والونّة اللي يداريها
اصبحت كلي ألم وجروح
أخفي جروحي واداويها
وأمسيت كني فقدت الروح
تغيب عني وأناديها
أون ونة حمام الدوح
وأحفظ لحونه وأغنيها

[سالم الظفيري]

يابو فارس وينك اليوم يالغالي ابيك

ودي اجاريك ياذيبان والخرج ملي


اقـرب اقرب الله يـرحم والديـك

ودي اهمس بذك شوي يابعد الردي

[كبرياء انثى]

إضحك وفـلّ حجاجـك اشفيـك محـزون
.........دنـيـاك ماتـسـوى وخـذهــا نصـيـحـه..

مــادام مـالـك مـيـت ولا انــت مـديــون
.........ارم الهـمـوم وخــل نـفـسـك مـريـحـه..

[سالم الظفيري]

اضحك معك والهم بالقلب خافيه
والشاهد الله صرت لي يا درابه


اجاملك بأحساس ماتت معانيه
نفسي بها من طبع نفسي غرابه


مدري غلا ولا شقى صرت اعانيه
مدري وهم قلبي ولا عذابه


او هي مشاعر شاعر مع قوافيه
ولا هي بروق ورعود وسحابه


يمكن جنون الحب هذي مواريه
يمكن عشقت الهم عشق الكتابه


كني جريح صعب جرحه يداويه
مجبور بين العاطفه والكابه


كان الوهم يطلبني الحب بعطيه
عمر العمى ما شاف درب مشى به


تعبت المح قولي انك فهمتيه
مجنون حبك لا تزيدي صوابه

[سالم الظفيري]

ياحمود سامحني ونا اخوك ياحمود

ما اقدر ارشحك واترك تهاني

غالي يابو خالد ولاكن لك حدود

مابغاك تزعل حط نفسك مكاني

لو شفتها ياحمود وعيونها السود

تقول ياربي وش اللي بلاني

ابغي اصوت وارجع اصوت بزود

يمكن يحسبونه لها صوت ثاني

وياحمود سامحني على كل منقود

وخلك معي رشح اسيل ورزاني