سجّلْ حضورك بـ بيت شعر ...

**al-shmaly** · 16-08-2011 07:27

تساوت الروس والاذناب هذا الزمان
والناس ماعاد تفرق راس والاذنب

ماعاد تصغي لهرجه صاحب العرف وأذان
لوكان هرجه عسل صافي وحالي عنب

من يوم صار المغفل والردي والجبان
في مجلس أهل الوفا والعرف يفتل شنب

أصبح للاجوف عقل وأصبح للاطرم لسان
يسابق أهل المعرفه ما يخاف الحنب

من بعد ماهو في الماضي رهين الطمان
مضرب مثل للمهونه والكذب والخنب

اليوم في واجب الهين تطيح السمان
نلقاه بالعود الازرق والمجالس كنب

ذا الوقت كل شي تغير يالله المستعان
أستذيب الثعل من بعد الضباح أوقنب

al-shmaly

**متفاائل** · 16-08-2011 07:30

اصوم عن كل الخطيا واشومي

وافطر على ذكرك ورجوايه ارضاك

ماغير حبك ياإلاهي يدومي

الله يامحلا السعاده بنجواك

ابا تقرب منك وانهل علومي

ساعدني وخذني بلطفك وحسانك

تعال عندي يارفيقي وقومي

اسمع نصيحة صاحبك يوم ناداك

لاتقول عن كسب العلا ماترومي

عملاق رب الكون عزك وسواك

بالعقل نوصل عاليات النجومي

مثل الكواكب سيرها بين الالفاك

نفسك امانه لاتعيش الهمومي

الانسان قادر شوف غيرك تعداك

عندك ارادك بس تبي العزومي

جرب نجاحك وانت عايش بدنياك

الايام لو تمدي تره ماتدومي

منته رخيص عند ربك يامغلاك

**al-shmaly** · 16-08-2011 07:47

في وصف عينه كمال الوصف حيث انّه

توصف بعين الفريد وعيـن شيهانـه

اهدابها من سيوف الفـرس والسنّّّـه
مثل العسس ماتنـام الليـل سهرانـه

لاسبل الرمـش غطـا ناعـم وجنّّـه
في حالة انعـاس والا شبـه نعسانـه

عليه قلبـي ينـوح ويزعـج الونّـه
ينزف ويدفع ثمـن بوحـه وكتمانـه

من سالف النظره اللي عنـي وعنّـه
تعانقـت بيـن حرمانـي وحرمـانـه

لابـارك الله بطيـب(ن) يتبعـه منّـه
ينعـاف زوده قبـل ينعـاف نقصانـه

لو شـاع فعلـه وصيتـه ذاع لكنّـه
تجارة(ن) بالربـا والغـش خسرانـه

الطيب ينعاف ياأهـل الطيـب لامنّـه
مارجّّّّّّح الطيب وأهل الطيـب ميزانـه

الشكـر والفضـل والعرفـان والمنّـه
للـي رفـع رايـة الأسـلام سبحانـه

اللي عن أبليس حـرّم ريحـة الجنّـه
يـدري بعبـده ومايضمـر بوجدانـه

ماكل شخص(ن) يحفظ السـد ويكنّـه
خطو الرجل يكشف المستور بلسانـه

خوفك من اللي بوجهك يضحك بسنّـه
ومن حين تقفي رماك وصرت نيشانـه

وخويك اللي من اول محسن(ن) ظنّـه
وعديته اخوٍ وهو عدك مـن اخوانـه

لاجـار وقتـك جفـاك وصـد ماكنّـه
كانت لك بوسط قلبـه منـزل وخانـه

ماغزر بعينـه المعـروف غيـر انّـه
كشر بنابـه عليـك وشـن عدوانـه

واللي بدر منك عكس اللي بـدر منّـه
والكل منكم يسـوي بأصلـه وشانـه

__________________

al-shmaly

**متفاائل** · 16-08-2011 08:16

^
^
اهداا بسيط
مني لاخي الشمالي
.

اقول لك يالشمالي قول ما كنـه

الحق حق على اهل الحق تبيانه

تختار بالعمق معنى وقاف له رنه

خذها شهاده وحرفـك دوم برهانـه

لك ذوق وانا اذكر الله واغفل عنه

ابيــات جزلــه بمعناهاا ومليانـــه

عذرا عن القصور لإرتجالي هذه الابيات على عجل

**بالمختصر..** · 16-08-2011 11:07

،

كنت أحسب إن الغلا زال و أثره لا يزال ..
...................‏ في الحشا ما كنه إلا دخيل ( ن ) فالوجيه !

.
.

**al-shmaly** · 17-08-2011 08:40

المشاركة الأصلية كتبت بواسطة متفاائل

^
^
اهداا بسيط
مني لاخي الشمالي
.

اقول لك يالشمالي قول ما كنـه

الحق حق على اهل الحق تبيانه

تختار بالعمق معنى وقاف له رنه

خذها شهاده وحرفـك دوم برهانـه

لك ذوق وانا اذكر الله واغفل عنه

ابيــات جزلــه بمعناهاا ومليانـــه

عذرا عن القصور لإرتجالي هذه الابيات على عجل

اخوي متفائل القصور بعيد
عنك بعد السماء عن الارض
ولاهنت ع الاهداء العزيز عندي
وبيض الله وجهك طااااال عمرك
وتحيتي وتقديري لك ولتواصلك الراقي

ما مثل الإستغفار يتلاه تهليل ..
تقطيع وقت وأجر منّا و منّا ..!
وهذي هي الدنيآ طلوع و تحآويل ..
~ مآجت لإبن آدم على ماتمنى ..!

**سالم الظفيري** · 20-08-2011 05:24

رفْقـة رديّ المعْـرفـه بعْتـهـا دَيــن
عـلـى زبــونٍ ضَـمّـهـا واحتضَـنـهـا

بغى يجيني بالثمن قلت : بعْدَين

أمسك فلوسك لين ننشدْك عَنْها

ما بعْتك الاّ سلعةٍ يا احْمـر العيـن

أبيـعـهـا وأبــيــع حــتــى ثـمـنـهـا

والله ما ابا فيها ثمـن لـوّ قرشيـن

بسّ المهـم انِّـي تخلّصْـت منـهـا

**al-shmaly** · 20-08-2011 07:24

مرحبا

فيكم

وش اخباركم

مع صيامكــم

بعض البشر لا نام ما وده يقوم
يقضي عبادات الصيام بـ منامه
يجمع صلاته يوم يقعد من النوم
ويطلب " لقى ربه بّ يوم القيامه
لاصار صومه نوم وشوله يصوم
ربه ترى ماهو بّ حاجة صيامه