بسم الله الرحمن الرحيم
هذه محاوره بين الشاعره النايفه واحد الشعراء والشاعرات
الشاعر
انا الليلـة هواجيسـي طونّـي *
كما طوي القرب في كف طاوي
ثلاث ن من هوا الغربي سقني *
على جمرن تغاوش فيه جاوي
النايفه
هلا بك صاحبي واهرج يجني *
كما سيلا من الوديـان داوي
هواجيسن من الفرقـا تغنـي *
شكى بعدك لو ان البعد كاوي
الشاعر
وقفت بوادي الرهبان كأني *
مع سليمان في جنده فداوي
واشوفك وانت لوقفيت عني *
لا بد لوادي الرهبان ضاوي
النايفه
يجيبـك سيـدي بليـا تونـي *
واشوفك مطوي الذرعان عاوي
يعنى من صاحبه لو مايعنـي *
وتشوف سهيل والقاع متساوي
الشاعر
وصلت وياصلك مرسول مني *
مع الحطاب والا ارسلت راوي
جرس قلبي على الخفاق دنـي *
على الضلع القصيّر يا هواوي
النايفه
يعزف العود مع الشعار فنـي *
ويشرب شربهم ولاهو بـراوي
وجلس في مجلسه عشرين جني *
سبعهم واحـداً مثلـي شقـاوي
الشاعر
الا ياسيـدة قومـي تحـنـي *
مادام الرمش من جفنه حياوي
ماشفتي رمح ابو زيد المطنـي *
على صدرن من الفرحة سناوي
النايفه
يهد ابليس وربي لـه يكنـي *
جريحا مالقى ناسـن تـداوي
صويباً تسمعه عن بعد ونـي *
خذته القوم واصله من شواوي
الشاعر
عطيته من دوايه وامتحنـي *
يتقوّا ما ادرا اني فيه قـاوي
كلامك لا يغيّر فيـك ظنـي *
وانا الي مبعد ن فيك الهقاوي
النايفه
عطاك بقوته سمـن بسمنـي *
ويبخل صاحبك باغلا العطاوي
فلا يغرك لا ضحك للسن سني *
تراني داهيه بالشعـر مـاوي
تابع لهذا الموضوع لنقل المحاورات التي تعنيني
االسلام عليكم ورحمة الله وبركاته
احب انقل لكم محاوره جرت بيني وبين بنت قبيلتها على الماسنجر
النايفه
والله ان ضيوفنا شر(ن) علينا
طولوها يالربع واصله قصيره
بنت قبيلتها
اخس يابن الرجال الميامينا
هالفعل ماهو فعل بنتن اميره
النايفه
ان جلستي لك عهود ن حافضينا
وان ذهبتي لك حشمـه كبيـره
بنت قبيلتها
وش خذينا من حكينا وش خذينا
غير زعلات وعلومن مستديره
النايفه
افهم الموضوع يالدر الثمينـا
الوجع بالقلب والرجل الكسيره
بنت قبيلتها
ماانكسر لي رجل والخاطر حزينا
والفرح خلى قليبي في حصيـره
النايفه
وش يفيد الحكم وحنا حاكمينا
والخوي للغير غيري يستشيره
بنت قبيلتها
ان حكمتوا ربعكـم حنـا حدينـا
مالكن نصف الكره واهل الجزيره
النايفه
ملهمه بالشعر والشاعر فطينا
واقعن من قش ولا من بعيره
بنت قبيلتها
لاوقع علف الغنم فوق الفطينا
اترك اعلافه ودور له شعيره
النايفه
ناخذ الهوجاس ونعرف الكمينا
والجمل وشجاه مانسمع هديره
بنت قبيلتها
ماشكينا من جملنا ماشكينـا
وش يهمك بالجمل ولا هديره
النايفه
انتخا الهوجاس وحنا ينتخينا
الوبر منبوذ والناعم حريره
بنت قبيلتها
اخذي العلم وهذا فوقه يمينـا
ابن عمي والبشر غيره صغيره
النايفه
لو صفا المشروب حنا ماصفينا
ناخذ المشهور ونعطيكم جفيره
بنت قبيلتها
يالعزيزه فعلنا موروث فينا
فخرنا بعيالنا واهل العشيره
النايفه
جرحكم عطيب وغيره مابغينا
وخلي الدكتور يدور لك خبيره
بنت قبيلتها
تفخرون بحاتم وحنا روينـا
من فعال عيالنا في كل ديره
النايفه
من تبرا من اربوعه سافهينا
ماخذينا من كلامه ياصغيره
بنت قبيلتها
الصغير اللي مـن العالـم بلينـا
نعمى عيون الحسد لو هي بصيره
النايفه
مايضرالطعن بالكتف السمينا
يظهر الصديد والشلفا عسيره
بنت قبيلتها
ماتجرا وانطعن مخلوق فينا
وانتم اثار الطعن فيكم كثيره
النايفه
ابرقت جنوب وانتم راقدينا
والمياه الكم ماتطفي سعيره
بنت قبيلتها
من كثر مافي الشجاعه مالكينا
ساكنين بقلب نجد وبالجزيره
هذه الشاعره من كبار الشاعرات في كل بحور الشعر واشتركت في شاعر ملك
ولقبها النايفه
وتم نقل المحاوره من منتدى الضياغم بعد الاستيذان برساله على الخاص
رد مع اقتباس
المشاركة الأصلية كتبت بواسطة سالم الظفيري
المفضلات