اعتراف من طفوله عجيز
مرحبا يا ال فله جميعا
واليوم جايبه لكم من خرابيطي ايام الوغدنه
كنا من فتره مجتمعين انا وبنات عمي وعماتي
ونتذكر ايام الصبا والشهاب والايام الخوالي
قالت لي بنت عمتي ذكرين حبيبنا احمد
ونا اغمز لها ابيها تسكت بنتي جالسه
وهي الحيوانه معها صوره جماعيه للعيله والعشيق صاف معنا
طلبتها صوره احمد خاصه ابوريكم سر اعجابي به
كان اهمد( احمد) ولد جيرانا اسود اللون ولامع
تراه لحجي بس وسيم >> قولوا ماشاء الله لاتحسدونه
وكنت عاشقته انا وبنت عمتي
لدرجه اني اتفسح مع اخته ايشه (عايشه) بالمدرسه واخلي اختي >> ايه الحب ومايسوي
المهم كل عصريه ننتظره يطل علينا ونتعلل حنا وياه على درج بيتنا
ومرة من المرات ماطلع وماقدرت اصبر انا وبنت عمتي ونروح نضرب الباب وننحاش
ونسويها كذا مره ماطلع ويوم جينا نضربه اخر مره وتطلع امه ولا معها زنوبه خضراء وهات ياضرب وهي اول مره انضرب بحياتي بغيت افقد الذاكره
ونا اكره كره شديد واروح لجدي نبي نغير البيت من زود الكره
ابد يوم يوم ونص يومين الا القلب الخبل حب
ونحب انا وبنت عمي المصري تارى (طارق)
تدرون مدري له الحب مشترك يعني ماعرف احب لحالي والله من البقاره بها الراس
عاد كله جمال وبياض ومنصب ابوه دختور وامه معها لسانس قانون >> يعني عيله تشرف
ويجي يوم ونتهاوش انا وبنت عمي عليه قالت مايصلح لك انتي اكبر منه ماراح يتزوجك>> مخططين على عرس وحركات
قالت انا اصلح من شاني اصغر
وتبدى معركه الشوش كل وحده ماسكه قرن الثانيه
قلنا خلاص بنساله من يحب
ونروح وحنا اخر شياكه ثوب نفاش وجدايل وزبد رخال غرقان بالشوشه
ومن قلنا له من تحب ليلى ولا امل >> فيس يرومش
قال الله ماكلكم زي اخواتي والله بحبكم اوي اوي و كل السعودين والسعوديات
ونا اكش عليه ياحسافه حبنا
( في الابتسامه و كلمه طيبه تقدر تملك قلب وخاصه الاطفال)
احمد وطارق كانو يتعاملون معنا بكل انسانيه مو مثل الشريرين عيالنا ماعندهم الا ضرب ولا تمسخر
والى اللقاء في اعتراف اخر
رد مع اقتباس
المشاركة الأصلية كتبت بواسطة ابو فارس
المفضلات