ارحموا ضعفها !!
*
*
^
^
^
بالله ماكسرت خاطركم !!
تصدقون إن هذي كانت يوماً ما شجرةً غنّاء !!
وفجأة أصيبت بداء الصلع
وحتّت أوراقها ولا بقى فيها إلا هالشعرتين !! قصدي هالورقتين !!
وليتهن بعد صاحيات !!
وحدة رجلها والقبر
والثانية مصوفرة تسن فيها الكبد الوبائي
والثالثة تتشبث بالحياة والله العالم إن مصيرها مصير أخيّاتها
كنت ماخذتها من المشتل وسألت صاحبها عن نوعها <<<< على بالي فاهمة
قال اسم حول اكتوبيوس المهم إنه اسم غثيث يشبه أسماء الرومان الأولين
قلت له أهم شيء عندي بما إنها من نباتات الظل كيف طريقة العناية بها
قال : أبداً حضرتك مافيهاش أي صعوبة !!
إنتي بس بتسئيها ميّة كل أسبوع عشرة إيام إسبوعين <<<< من قام يمدد وأنا عارفة إن ماعنده سالفة
قلت كم الكمية طيب !!؟
قال : شوية مش بتحتاق كتير !!
قلت : يعني كم ؟؟
قال : تئريباً لتر <<< هذي الشوية حسبي الله على عدوك ناويتن أحط لها بيالة مويه
المهم صرت أسقيها كل أسبوع أو عشر أيام لتر مويه !!
وكل يوم يبطبط منها ورقتين ثلاث !!
وأنا قلبي يوجعني مدري وش قصتها !!؟
قلت يمكن بينبت مكانها ورق جديد عشان كذا يطيح القديم !!
بس ماش كل يوم يزيد المفقود ولا نشوف مولود
لما مابقى فيها إلا هاللي أنتم تشوفونه !!
بالله وش السواة
وش الحل
كيف أنقذ حياتها
قسمن كاسرة خاطري أحس إني أنا اللي ذبحتها
اللي عنده خبرة في نباتات الظل يعجل علي بالحل المناسب
وله مني دعوة تالي الليل <<< الله كل ذا عشان نبتة
رد مع اقتباس
المشاركة الأصلية كتبت بواسطة سالم الظفيري
المفضلات