مباراة المنتخب السريه000 اكيد ماتدرون ان المنتخب تبارا اليوم التفاصيل عندي اقلطو

**--(برق النفود)-** · 21-09-2002 03:51

يقولن خبر اليوم بفلوس..بكره ببلاش..ويامنتخب فاز بالخيال..عمره مابيفوز بالواقع..وقالو..ألخيال جنة الانسان,,.وش رايكم نتخيل..

للمرة الخامسة (رقم قياسي) توج المنتخب السعودي بطلا لكأس العالم 2002 بفوزه على منتخب البرازيل بخمس طعشر هدف ولا أروع..دون مقابل في المباراة النهائية التي اقيمت ظهر اليوم على ملعب يوكوهاما بحضور أكثر من 69 الف متفرج.و على عكس المتوقع من منتخبنا السعودي من حركات (الاستعباط والتسخين عند يوم يقضبون الكوره )..ظهرت المباراة بمستوى فني كبير كبير كبير كبيييير جدا خاصة من قبل لاعبين منتخبنا الذي كان الطرف الأفضل والأوحد ولا أحلى منه ولا أروع في الشوط الأول ومعظم وقت الشوط الثاني من المباراة

وجاء هدف منتخبنا الأول في الدقيقة 68 من بعد ما مارسوا اللاعبين حركات الاستعباط المعتادة مما حدا الأمر اللذي لاينسكت عليه بالمدرب الجوهر انه يصارخ بأعلى صوته على اللاعبين وقد سمع وهو يقول(يالخبل يالبايه يوم تناول هنا وليه) للاعب المحترف ساميولدينو الذي كان واقف ويمد لسانه لأفضل حارس في البطولة والذي كان قد فشل في السيطرة على تسديدةعبدالله الجمعان لتجد الكرة نفسها بين زرابيل عبيد الدوسري اللي أول ماتلقفه بشدفاه تحمّد لها بالسلامة ومن ثم رعص الكورة في المرمى البرازيلي (بواسطة الحركة الخطافية اللي تعلمها بعد 6 اشهر من التدريب امام مسلسل كابتن رابح)...

بعد هذا الهدف طبعا... تكصمت معنويات المنتخب البرازيلي من ادراك التعادل وخصوصا بوجود رضا تكر المدافع المخضرم والذي لعب مع فريق سانتا كروز وبرشلونة العالمي.. رونالدو المغلوب على امره كان مسوي عملية خلع ضرس العقل عقبمعناه مع الجج اللي ينتابوه كل ماجغم مويه يصطدم بالدفاع السعودي الذي كان في أفضل حالاته(بعد ما طفحوا عقب الغدا مع عسكريم الحويده ) ولم يسمح لمهاجمي البرازيل بشن هجمات خطرة..

ومن كرة مرتدة للمنتخب السعودي شنها شلهوبسون الذي يمرر كرة ارضيه على خط الثمانية عشرة يتركها نوافكو لمرزوق العتيبي الذي سددها زاحفة وبالراحة على يسار الحارس

و مرزوق نفسه هو اللي كان مسجلا الهدف رقم خمسطعش منهيا لكل آمال البرازيل في تعديل النتيجة ليعلن بعد ذلك الحكم الايطالي كولينا انتهاء المباراة بتتويج المنتخب باللقب الخامس في تاريخها(والمنتخب رغم انه اطلق صفارته الا ان الدعيع كان يركض نحو مرمى البرازيل وهو يقول كلكم سجلتوا اهداف الا انا)!!

وبتسجيل ساميولدينو لثلاثة أهداف (كلهم ضربات جزاء) يتصدر قائمة الهدافين برصيد 8 أهداف وبفارق 3 اهداف عن اقرب منافسيه(نوافكو التمياطيشن)

وركض اللاعبين في أرض الملعب..يصرخوون ويبكون من الفرحة ولقد جنّ جنون المشجعين بعدما وقف اللاعبون أمام المشجعين يرقصون العرضة السعودية وفي الركن البعيد الهاديء كان اللاعب البرازيلي رونالدو يتمرّغ على الارض وهو يرافس ويقول ( ما اني.ماني ابي الكاس أبي الكاس والله لا اعلم امي)....

وفي ركن آخر من الملعب شوهدت المغنية جنيفر لوبيز ترقص فوق المنصة مع فرقتها وهي لابسة التنورة البيضاء القصيرة فوق الركب بشبرين.. يرافقها في الرقص..خميس العويران..عبيد الدوسري ..وعبدالله الجمعان برقصة سامرية يحبها قلب الجمهور..

وخلع نوافيتو القميص وبدأ يركض بعصاقيله في أرجاء الملعب وهو يلوح بالتي شيرت (وقد وردتنا مكالمة من ام اللاعب لاحقا في الاستديو تطلب مننا ان نقول ماشالله حتى لاننحت وليده ) !!

وأما رضا تكر فقد شوهد وهو يمد براطمه على ماركوس حارس البرازيل اللذي كان مصدوما مذهولا...واما روبرتو كارلوس فشوهد في زاوية وقد حشروه لاعبين المنتخب والشلهوب يسطعه كفوف على راسه وهو يقول له (قل من عمك يالدلخ !!)

وركض اللاعبين بالكأس حول الملعب وكل واحد يمطخه الين صار الذهب وشوهد ساميتو يزقر الجمعان ويقول الذهب مالوه ريح ليه تنشاه...

وشوهد الجوهر ..يبكي بعد سجوده شكرا لله .ويشاع بأنه أصيب بذبحة صدرية مقاسها 34 أي وذلك لأنه أول مرة يدرب فريق ويفوز..وعشانه كان شايل هم أنه يصير مو قد تدريب فريقنا الهماااااام (اللي فاز بالبطولة اربع مرات متتالية قبل ذلك وبدون أي تدريب أو مدرب أو خرابيط)..

وبعد المباراة....شوهدت جمووووع غفيرة في شوارع الرياض تمتّر الشوارع بلافتات مشجّعة ومؤيدة للمنتخب وصدى الاهازيج يتردد عاليا والجموع تصارخ وتقوووول (وجبناااااااه وجبنااااااه خلاص زهقنا بس جبناه)وقام التفحيط بشارع الموت

وكانت المسيرة الممتده من شارع التحلية في جده تغني (الكاس الاصفر وأخدنااااااااه أخدنااااااه ...فريقنا أخضرررر حبيناااااه حبيناه ) ومن الرموز المعروفة كان ابو سراج وفرقته الشعبيه يطامرون في حوض سيارة وانيت اصطبغت بالوان المنتخب السعودي.وفي المنطقة الشرقية يقال انه هناك شلة من البنات يقودون سيارة جيب شوروكي قد تورطوا بعمليات شغب في شوارع الكورنيش بالخبر.. وقد وصل بلاغ من قوات امنية ان السيارة متورطة في تفحيط مكشوف على طريقة (سيدي وصالك)..وانهم قد تجاكروا مع سيارة جمس لونها بدون لون موديل سنة احم واسكت وفيها شلة بنات عرابجة مما دعاهم الي المبارزة بالقنيوالمصاليبوالنعول ذات الكعب العالي..

وقد وردنا أخبار من مراسلتنا (عمشة بنت معقاب) ان حضرة الجندي (جميعة الزهراني) من شعبة حرس الدوريات ..قد قامت بعمل لايحسد عليه من ردع للشغب ...وقد صدر قرار من الوزارة بترقيتها الى نقيب أول واعطائها (سيارة) بدل الدباب المكعكع اللي كانت تسوقه!!!!!!

هذا ومن المستغرب ان شباب حايل لم يقومو بأي اعمل تفحيطيه او تقحيصيه وعند سوال احد الشباب قال كانك صادق رح لقنا يو م الربوع وشف بعينك

هذا ونوافيكم بالأحداث المقبلة في نشرتنا القادمة (في الساعة التاسعة بتوقيت المشعاب)..

والسلام عليكم ورحمة الله وبركاته!!

اششششششششششششششششششششششششششششششششششششششش شششششششششش

شششششششششششششششششششششششششششششششششششششششش شششششششششش

شششششششششششششششششششششششششششششششششششششششش شششششششششش

ششششششششششششششششششششششششششششش

(قضى الارسال ..طفوا التلفزون يا عيال لا يعمي عيونكم)!

|506| مسروق |506|

تكفون لا تعلمون علي|11| الي يعلم ارميه|112|

**عبدالله الجعيثن** · 21-09-2002 13:04

هه سبقت قبل يتسكر!!!!!!!!!!أأأأأ×××××××خخخخخخ

**متجند سيفه** · 21-09-2002 13:53

مسرووووووووووووق

يارجال ولا يهمك كلنا تبي تسرق انشاء الله

مادام شيخنا بدا بالسرق:D

ولا مايسرق الا من ناس هاي بوزشن:D :D

**ابن جشعم** · 21-09-2002 14:04

ونت صادز يالمتجنّد

نبي ونبي ونبي نلطش ونلطش ونلطش

(((( إذا كان رب البيت للطبل قارعً @@ فشيمةُ اهل البيت الرقصُ ))))

يسلموووووو

**الفاضي** · 21-09-2002 14:13

((اسمحلي اقفل الموضوع لانه منقول والمنقول ممنوع)) لا تستغرب هالرد من الشييييييييييييييييييييييييييييييييييييي ييييييييييييييييييييييخ محارش_محارش لان المنقول ممنوع بهالمضيف
اسمح لي اعزيك بموضوعك (((((ماجور)))))

اخوي محارش سر على هذا المنوال والفاضي خلفك واهنيك على هالري الفلته <<ههههههه بس لا تسكر يومياتي

باااااااااااااااااي

**محارش** · 21-09-2002 23:03

الموضوع مقفول مقفول الله لا يعوق بشر :D

مار اللي دابلن قاعة تسبدي هالثنائي هارلي ولوريل :D
ترو ان ما عقلتوا فانا عند تهديدي وخص انت يابن جشعم وللا متيند سيارتوه رايحتن به :D
راس ماله مسمار وقره من الصدام للصدام وسيارتي عندكم اذا بنفسكم تثارون ههههه
<<< مالهم محل يشخبطون بسيارتوه صايره تسنه لوحه لسلفادور دالي :p
>>> ما حط الرد الا علشان يقول الماخوذ ابو دالي :D