شجاعة من نوع آخر !!

[الجازي]

قبل كم يوم سمعنا عن الهندي اللي انتحر برمي نفسه من فوق برج خليفة في دبي !!

ونسمع عن حالات انتحار كثيرة بنفس الطريقة بس باختلاف عدد الطوابق ومستوى الارتفاع

بصراحة أستغرب من كمية الشجاعة المفرطة اللي في قلوب هالمنتحرين !!

لأن كونك تقف على هالمستوى من الارتفاع هذا بحد ذاته يتطلب شجاعة عالية

فكيف لما ترمي بنفسك من هالعلو !!؟

اللي أتعجب منه أكثر كيف ماتكون هالشجاعة بمثابة رادع لهم عن محاولات الانتحار !!

بمعنى : اللي مايخاف الموت ولا من أسبابه يكون إقباله على الحياة أقوى وأكثر !!

طبعاً المنتحرين بالسم وبطرق ثانية لاتحتاج للشجاعة هم خارج نطاق موضوعي

[الشاهري العبيدي]

هو اليأس من رحمة الله وعدم الصبر على اقدار الله عز وجل



هذا هو دافع اساسي للمنتحر


فمن لا يملك الايمان فما هو الرادع اذا ضاقت به الدنيا بما رحبت!

اقرب ماله عمارة مرتفعة وبظنه تنتهي معه هموم عمره


ولا يدري انه بداية الهموم والعذاب





شكرا لك الجازي

[الاصمعي]

تبلد حس وليس شجاعة!

استمعت مرة لمقابلة مع تائب من المخدرات يقول عادي أن يجد المدمن إبرة المخدرفي عضد صاحبه وقد توفي فيأخذها فيفرغ بقيتها في يده بكل هدوء وروقان !!

تحياتي

[الجازي]

هو اليأس من رحمة الله وعدم الصبر على اقدار الله عز وجل



هذا هو دافع اساسي للمنتحر


فمن لا يملك الايمان فما هو الرادع اذا ضاقت به الدنيا بما رحبت!

اقرب ماله عمارة مرتفعة وبظنه تنتهي معه هموم عمره


ولا يدري انه بداية الهموم والعذاب





شكرا لك الجازي

حياك الله أخوي الشاهري

صحيح كلامك

اليأس من رحمة الله وعدم الصبر على أقدار الله من دوافع الانتحار مافيه شك

لكن الكلام على نوع من أنواع الانتحار

اللي هو السقوط من شاهق !!

هذا يحتاج لقوة إرادة وشجاعة وقوة بأس تتعارض مع نفسية المنتحر المهزوزة والضعيفة !!

يعني مهما بلغ بي اليأس وقررت أنتحر ممكن أختار الانتحار بالسم أسهل وأسرع لأني ما أبي أستشعر لحظات الموت !!

لكن اللي يرمي نفسه من مكان مرتفع جداً هذا يحتاج مهدئات الدنيا كلها <<<< إلا صحيح تتوقعون يستخدم مهدئات قبل ما يرمي نفسه !!

شكراً لتعقيبك أخوي الشاهري

[الجازي]

تبلد حس وليس شجاعة!

استمعت مرة لمقابلة مع تائب من المخدرات يقول عادي أن يجد المدمن إبرة المخدرفي عضد صاحبه وقد توفي فيأخذها فيفرغ بقيتها في يده بكل هدوء وروقان !!

تحياتي

هلا بك أخوي الاصمعي

اللي يتعاطون المخدرات مرفوع عنهم القلم وطبيعي يتصرفون مثل هالتصرف لأن عقولهم وأعصابهم تلفت مع المخدرات

لكن بعض المنتحرين ينتحر لأسباب غير المخدرات ممكن بسبب الفقر أو العطالة أو مصيبة حلت عليه !!

فكيف يصاب بتبلد الحس وهو سليم !!؟

تصرف غريب !!

شكراً لحضورك أخوي الاصمعي

[ملامح شمري]

قبل كم يوم سمعنا عن الهندي اللي انتحر برمي نفسه من فوق برج خليفة في دبي !!

ونسمع عن حالات انتحار كثيرة بنفس الطريقة بس باختلاف عدد الطوابق ومستوى الارتفاع

بصراحة أستغرب من كمية الشجاعة المفرطة اللي في قلوب هالمنتحرين !!

لأن كونك تقف على هالمستوى من الارتفاع هذا بحد ذاته يتطلب شجاعة عالية

فكيف لما ترمي بنفسك من هالعلو !!؟

طب قياسك على اي خلفية بنيتيه او على من قستي..؟
وليه ما سميتها ارادة او حالة فكرية او عقلية مرة فيها اكثر من كونها
شجاعة و جبن ..< مهوب الجبن اللي ناكله , انتبهي

وبعد ليه استشهدتي بالهندي ..! وتركتي السعودي العاطل اللي بغى
ينتحر قبل اسبوعين من فوق كبري مخرج 9 عندنا بالرياض , هـاااه ..؟
او بس نركض ورى المستورد والمهايط ونسحب على المحلي وحق البلد

اذكر قرأت ان الموت او خروج الروح بحالة السقوط من شاهق تتم و
من رحمة الله قبل لحظة الاصطدام بالارض , ومنيب متاكد من صحة
المعلومة .. ( يمكن مارة عليهم هالمعلومة مثلي ولكذا اختارو هالطريقة )

الانتحار ماله علاقة بشجاعة او خوف
وبلحظة شدة الياس وفقدان الامل كل الطرق تتساوى
بعيون المنتحر , ولاهوب مفكر بشي ثاني اول شي بيجي بباله
بيسويه , حرق , قفز من علو او حتى قطع اوردة ..
تشااو

[ريم شمر]

اعتقد يالريم ان اللي يوصل فيه الامر لهالمرحله يتدنى عنده الوضع النفسي والعقلي لاقل درجاته
بالاضافه الى ضعف وازع الدين كل هذا يجعل المسألة مغيمه عنده ....فما يستطيع تقدير العواقب
او التفكير بالامر اللي هو مقدم عليه .....كذلك لعله يكون وصل لقناعه ان هذا هو الحل الاخير والمثالي بنظره
وبالتالي اي مشاعر خوف او تردد يقل تأثيرها عليه

[سالم الظفيري]

اللي يدفع الانسان للعمل هذا

هو قل الدين

والزهد من الحياة

والمخدرات الله يكفينا شرها جميعا


تخلي الانسان من غير عقل

فلا تعبتر شجاعة

شكرا لك اختي الجازي

لك تحياتي

[الجازي]

طب قياسك على اي خلفية بنيتيه او على من قستي..؟

وليه ما سميتها ارادة او حالة فكرية او عقلية مرة فيها اكثر من كونها
شجاعة و جبن ..< مهوب الجبن اللي ناكله , انتبهي

وبعد ليه استشهدتي بالهندي ..! وتركتي السعودي العاطل اللي بغى
ينتحر قبل اسبوعين من فوق كبري مخرج 9 عندنا بالرياض , هـاااه ..؟

او بس نركض ورى المستورد والمهايط ونسحب على المحلي وحق البلد


اذكر قرأت ان الموت او خروج الروح بحالة السقوط من شاهق تتم و
من رحمة الله قبل لحظة الاصطدام بالارض , ومنيب متاكد من صحة
المعلومة .. ( يمكن مارة عليهم هالمعلومة مثلي ولكذا اختارو هالطريقة )

الانتحار ماله علاقة بشجاعة او خوف
وبلحظة شدة الياس وفقدان الامل كل الطرق تتساوى
بعيون المنتحر , ولاهوب مفكر بشي ثاني اول شي بيجي بباله
بيسويه , حرق , قفز من علو او حتى قطع اوردة ..
تشااو

ملامح

وش فيك معصب

عسى منت ناوي تنتحر

أنا جبت قصة الهندي لأنه حطم الرقم القياسي في اختيار أعلى قمة في العالم

يعني بالله وش جاب برج خليفة لكوبري مخرج تسعة !!

الكلام مو على متى تطلع روحه !! الكلام على قبل ماتطلع وشلون تجيه قوة يرمي روحه

سالفة كل الطرق تتساوى يمكن تكون صحيحة بس ماش ماهضمتها !!؟

مادام إنه فكر بهالطريقة بالذات وكلف على نفسه وطلع البرج ومشى هالمشوار كله عشان يرمي نفسه معناها باقي له شوية عقل !!

تسان عندك تحليل ثاني مقنع أو تسانك تعرف هالسعودي اللي بغى ينتحر من فوق الكوبري اسأله وش كان شعوره وليه هوّن عن الانتحار

منور ملامح

[الجازي]

اعتقد يالريم ان اللي يوصل فيه الامر لهالمرحله يتدنى عنده الوضع النفسي والعقلي لاقل درجاته
بالاضافه الى ضعف وازع الدين كل هذا يجعل المسألة مغيمه عنده ....فما يستطيع تقدير العواقب
او التفكير بالامر اللي هو مقدم عليه .....كذلك لعله يكون وصل لقناعه ان هذا هو الحل الاخير والمثالي بنظره
وبالتالي اي مشاعر خوف او تردد يقل تأثيرها عليه

ريومة يابعدي

أنا ما أتكلم عن قرار الانتحار

هذا مانختلف عليه إن أسبابه ضعف الوازع الديني ونفسية مدمرة وووو

لكن كلامي عن اختيار طريقة الموت !!

يعني لو نويت أنتحر لاقدر الله راح أختار أسهل ميتة !!

مثلا بالسم مفعول سريع

أو حتى إطلاق رصاصة ,,

أما أرمي نفسي من مكان مرتفع !!

ياختي الحين إذا طلعتي مكان عالي وشفتي تحتك شوي وتدوخين وتطقتس أم الركب

منورتني ياعسل