شفايف كـ التوت

**شموخ شمالية** · 26-04-2011 11:09

.
.

تتكون الشفاه من طبقة رفيعة ورقيقة من الجلد ، كما أنه ليس للشفاه
غده دهنية خاصة بها ،

وهذا يعنى أنها أكثر عرضه للجفاف والتشققات خاصة
في الاحوال الجوية السيئة فيجب عليك أن ترطبى شفتيك باستمرار ..

طرق العناية بالشفايف

1- الترطيب

وعندنا اكثر من خيار ومنتجات كثيره للترطيب ابرزها منتجات لابيلو

اللي بالكرز روعه ويعطيك لون كأنه قلوس وريحته تجنن

يصلح للدوام الصباح او الطلعات الخفيفه او بالبيت ..

ومطربات بودي شوب حلوه مره وودك تاكلينها

-تقشير الشفايف

عندك بعد اكثر من خيار فيه اصبع تقشير يباع في بودي شوب هذي صورته :

تبللين شفايف بمويه وبعدين تمررين الاصبع على شفايف وبتشوفين

القشور تطلع بعد ماتخلصين من التقشير ادهني شفايفك بفازلين ..

وايضا تقدرين تستخدمين السكر وزيت الزيتون للتقشير مره خطير

طريقة الفازلين روعه اللي هي تدهنين شفايفك بفازلين وتاخذين
فرشاة اسنان
وتدلكين الشفاه بتلاحظين القشور على الفرشاه وبتورد شفايفك
مع التكرار كذآ مره

طرق لتوريد الشفايف

1-الغجر اما تطحنينه او تغلينه وتحطين معه فازلين تحطينه في علبه وتمسحين شفايفك << مجربه

قبل النوم .. تقدرين بدل الكركديه تستخدمين العكر الفاسي (دم الغزال)

**الجازي** · 26-04-2011 14:54

موضوعك حلو

وحلاوته في غرابة طرقه ونتايجها السريعة

عاد لون التوت يجنن وهو الموضة هاليومين (( روج ومناكير ))

بس متأكدة من سالفة استخدام فرشة الاسنان !!؟

أتوقع يكفي بطرف الإصبع لأن الفرشة خشنة على الشفايف !؟<<< الا تسان الشفايف عقب الديرمة

يسلمو ياقلبي على هالنصايح الحلوة

**شموخ شمالية** · 27-04-2011 20:31

المشاركة الأصلية كتبت بواسطة الجازي

موضوعك حلو

وحلاوته في غرابة طرقه ونتايجها السريعة

عاد لون التوت يجنن وهو الموضة هاليومين (( روج ومناكير ))

بس متأكدة من سالفة استخدام فرشة الاسنان !!؟

أتوقع يكفي بطرف الإصبع لأن الفرشة خشنة على الشفايف !؟<<< الا تسان الشفايف عقب الديرمة

يسلمو ياقلبي على هالنصايح الحلوة

أنا جرّبت الفرشاة بس تحسست شفايفي الصراحة
على قولتك يمكن بالاصبع صح
على أني مااعتقد تبي هالتقشير الا اذا صارت الشفايف خشنة مرّه

بس المداومه على الترطيب يعطيها لون وردي

الحين انا استخدمت مرطب شفايف من بالمرز حلووة مره ..

نوّرت ِ الموضوع ياعسل