بعيداً عن الرجال هاللي غثيتونا بهم :)

[الجازي]

أظن نهائي كأس العالم 66

خوش مباراة كانت <<<بعذروه يطنّش

/

خوش خاطره الجازي

مالك لوا

قبل ثلاثة وأربعين سنة ماكان فيه فضائيات نتابع كأس العالم !!

مافيه إلا القناة الأولى

كان يتابع مباراة الهلال والنصر عام 1388هـ
على نهائي كأس الملك للمنطقة الوسطى

وحقق الهلال البطولة بفوزه على النصر 2 / 0 <<< تبي تقهر النصراوية

الله العالم إنه مع الفرحة نسى الألوان !!

*
*

أجل قصيرة سالفتي يالله خاطرة وأنا اللي أبيها رواية

حياك الله يامتعجب

[الجازي]

.
.

ياهلا بهالطلــّه ... نوّرتِ ياعزوتي

تسلمين لي على هالموضوع الحلو

شكلي بثبّت موضوع لـ ذكريات شيبان وعجز المضايف وكل يوم أجدعوا لنا كم قصـّة
وأولكم أنــا





أيو الله إنتس صادزة اللي أصـلآ بسادس تلقينها بثاني
ياحليل أيامنا بس مو بنات هالجيــل





لاهنتي يالطربة

هلا وغلا والله

يابعدي ياشموخ

شفتي دراسة أول وش خرّجت <<<< حريمن سنعات

أما هالوقت الله يخلف بس

دلال وتدليع ولا شفنا شيء

<<<<<< عجوز حاقدة

يسلمو يالغلا على هالطلة

[الجازي]

ذكريات العمر يــ سطور الحياة
........ يزول الناس وتبقى الذكريات




الله يذكرها بالخير ويجزاها الف خير

والاجمل من هذا كله ذكر المعروف مهما كان صغير
وان دل على شيء فهو طيب معدنك


الله على ايامنا
ذكرتينا بايام المساطر


.
.


.
.

ياحي الله عطورة

تو ماتبارك الموضوع

تسلمين يالغلا ماعليك زود

تشرفت بمرور الكريم

[الجازي]

هذي مواصفات صاجة موب عصا يالعمة







يعنني شاطرة




------------------
أبو فهد الهمزاني

هلا بك يابو فهد

رح أقرب خياط عشان تتعرف على هالصاجة

فككم الله منها ماعندكم مادة تفصيل

بعدين أنا قايلة لكم فيه كمية هياط في الموضوع لاتدققون

وأنتم مستلميني واحد ورا الثاني

شرفتني يابو فهد

[الجازي]

اشوف الزقرت متبطحين بهذا


اكيد هند مافطنت لهم والا قرشتهم <---قماريا ياحظرة جنابك


الجازي

ياعمه بالله عندتس شيئ اسموه ضمير ؟

ما اعتقد

ومن قال إنه ممنوع على الزقرت !!

هذاك مضيف كلام نواعم بس هو اللي ممنوع

أما الأسري فالزقرت من أفراد الأسرة

بعدين

تبي أزود من هالضمير

انا انضربت مرة وهي مرة

احمد ربك اللي مااستفزعت بها من البداية <<<< ماهي بعيدة عليها

[ابو ضاري]

اصيله يالخاله الجازي


<<<<عاضن لسانه من عنوتن الموضوع

يعطيتس العافيه تيته على قوله جمران

[بالمختصر..]

يابعدي يابالمختصر

أنا كانت زميلتي لاقيتني

يجوز لي خطها لأنها ماتبري قلمها يطلع خطه عريض شوي وأنا ذابحتن قلامتي بالبراية

وكل يوم اجيب لها قلم جديد عشان تعطيني قلمها المنهري

ومن يوم أبريه يخرب علي

أرجع أجيب لها من بكرة واحد جديد عشان تعطيني حقها المستهلك <<<< مدري وين ذكائي ذيك الأيام

شرفتيني ياعسل بس وين دعوتك لموزة ترى هالموضوع أجره لها

الله يوفقه وين ما كانت و يوفقتس لـ كل خير ..

حلوه وألا أزود ؟


أنا كنت أبري القلم تقل إبره و أكتب بـ خط صغير لين إشتكت الأبله لأمي

تقول خطه ما ينشاف مدري وش كاتبه ><




.
.

[فرانسيسكا]

مساك الله بالخير أختي الغالية الجازي
قصتك حلوة ومؤثرة
تصلح فلم أنمي في قناة طوكيو
باخذ نسخة بعد اذنك
وأرسلها لمخرج ياباني

أحلى موضوع قريته اليوم في المضايف
موزة عملة نادرة
وأنتي بطلة بعد تحملتي الضرب وما نزلت الدمعه
عسى ربي يوفق الجازي وموزة ويوفقني
دمت بعافية

[ريم شمر]

ريوم ماعليش اظن ان هدف موزه ماكان برئ

ولاهو من باب الفزعه

لكن تبي تفتك منتس لاتقعدين جنبها

بعدين شكلها متعوده على الضرب صاير عندها مثل شرب المويه


..
.
جد مشتاقين لسوالف الجازي ومطولاتها الخطيره والمميزه

مشكوره ياقلبي

وعسى الله يحفظ موزه ويرزقها من اوسع ابوابه وين ماكانت

[الجازي]

اصيله يالخاله الجازي


<<<<عاضن لسانه من عنوتن الموضوع

يعطيتس العافيه تيته على قوله جمران

ياهلا بك يابو ضاري

وش بوه العنوان

تراه لمصلحتكم

عشان مايغثونكم كل يوم والثاني بالتوصيات والنصايح <<< روغة ثعلب

منور يابو ضاري