رائعه اسمعوها واقرؤها
ادري ان كل ماقالو لي إن عقلي فطين
،صادفه شي بسيط من الامور وغربله
لاغدا عقل رشيد ولاغدا عقل رزين
ما خلص من مشكله فلاي عنده مشكله
لااستفاد من الدروس ولاتجارب دارسين
والمراحل مرحله تمشي على اخطا مرحله
عادته هي عادته ومقفل بالقفلتين
ماخذا من إللي مضة ماينفعه في المقبله
اسمعو ذالنكبة إللي جابها قبل إشهرين
وقبلها ياما وياما صار ماهيب اوله
داخل فالسوق ماعندي يسار ولايمين
وهقوتي يااما معي مسباح وإللى سلسله
من يمين ومن يسار وذا الاوادم باسطين
الثياب معلقات والخبار منزله
وقفتني حاجة متمشكل فيها إثنين
حاجة من سفها ماتستحق البهذله
فالتفت من ايمني فلاي فيه إبنيتين
وحدة راحت والاخرى عند هندي تسأله
قال عقلي ليه ماتقرب تحاكيها بزين
يمكن إن بيبان رزقك ذالنهار مبطله
قلت كيف الحال وش ذالزين والوجه الحسين
قالت البخ ياصبي وخل عنك البلبله
قلت حاظر وابشري مانستفز الطيبين
كل قصدي كلمتين ونبخص إللي نجهله
فدبرت مني جنوب وفي يديها باغتين
مقفيه بقشارها فالباغتين تشلشله
قلت مايمديش يابنت الحلال تسوقين
قالت اخر ياصبي لا تخر المستعجله
قلت انا بساعدش بشل من ذالكيستين
قالت انت اذلف وفارقني اقشاري وازهله
راحت وركبت لها في ددسن قمارتين
ددسن منزله ومضلله ومطربله
موتري حدر من الددسن وبين الشارعين
والخبل مادق سلف الموتر وراح لاهله
واقف في جنبها واقول ارب إنها تلين
مادريت إني كليت النكبتين مفلفله
قلت هذا رقمي وبكره نبش اتكلمين
قالت عطه إللي وراك وخله إللي يسجله
إلتفت إللى وراي العسكري ومطوعين
ابغيه يرد السلام وسابقته البسمله
قال وش عندك تطرد بنات المسلمين
قلت انا قال انت وش ذا المهزله
قلت ماطردت احد وانتم رجال فاهمين
قال شب اعلمك ذا الحين ويش المنذله
ماانت بلي ناشب في حلقها لك ساعتين
لاسمحت من الكلام ولا قطعت المسأله
امسكه ياعسكري والعسكري دب سمين
والله لو يدخل مع ذالباب مايستحمله
قلت عطني يامطوع من يمينك مطرقين
،قال يالله حمله فالجيب يالله وارسله
قلت هذي والله إنها نشبة ياابن عزبين
راحت السمعه وراح الحمل كله بجمله
يوم جينا فالاداره والعساكر جالسين
نصفهم يعرف ثري وإللي بقا مايجهله
رد مع اقتباس
المشاركة الأصلية كتبت بواسطة متفاائل
المفضلات