** ثريا المزيني وابن رشيد
ثريا محمد المزيني شاعره مشهوره من روضه رمان بحايل لها قصائد ومواقف مشهورة تبين
عن جزالتها ولكن للاسف لم احصل الا على هذا الموقف و بضع ابيات.
في سنة من السنين الماضية جا حايل ربيع ما مثله وصارت القاع كله خضرا وشبع الحلال
والناس استبشرت بالخير هكالسنة وهي تطلع ثريا خارج روضة رمان والوقت وقت عيد مادري
هو فطر والا ضحية تبي تشوف الربيع وتونس بوه وهي طالعه جا قاطع طريق غاب اسمه
عني والا ذكره لي اللي علمن بالسالفه بس ما من قلب يمسك وهو يسرق ثوبه جديد شرته بمبلغ
غالي كالوقت ثوب جمعت قيمته كل هكالسنه وشاحة على نفسه منشان تشتريه وهو ياقع بقلبه
هكالزعل وانغثت وهي تقصد قصيده توصي لابن رشيد بأبيات ما حصلت انا لا على بعضه
من عرض ما قالت:
امس فلينا من الريعان = من ربع سرهيد يالغالي
متخالف به زهر حوذان = وعنوق رقم وقحوان
مار البلا دونه القومان = اللي خذوا ثوبي الغالي
جانا مثل هزة الشيطان = يا شين وش تبي من حالي
وهي تاصل القصيده لابن رشيد وهو يزعل قال بحايل قاطع موذي ما يصير و هو ينتخي . وهو
يرسل مراسيله وقال لا ترجعون الا وانتم جايبين النطول وما خذت هيا يومين من قولته
القصيدة الا وثوب احلا من ثوبه جاه وعطية من ابن رشيد واللي سرق ثوبه مسك وهو يصلب
بحايل وخلي قطعة أيام وصار عبرة للي بنفسه ردية.
المصدر كتاب نساء شهيرات من نجد تأليف د/ الحربية
** امرأه وجوزاء التمياط
مره ما اعرف قبيلته واللي يعرف لا يبخل بالتعقيب المهم مات رجله وله قطعة وغدان يوم مات
رجله جو حميانه وهم ياخذون وغدانه وهي تصيح المرة وتنيح بس ما ادري هي جت جوزا والا
وصت له المهم تدخل جوزا التمياط بنت الرجال الاكارم وصاحبة النسب الرفيع كعوايده وهي
تدخل وهي تبذل ما قدرت بجهده لما اقنعت عمام العيال بترجيع الوغدان لامهم وهم يرجعون
لامهم وهي تدعي له هكالدعوات.
المهم عقب مده انوجعت جوزاء التمياط وهي تروح مع اهله للعراق تعالج وهو ياصل العلم للمره
ام العيال وهي تشوف واحد ياانه على ذلول نيته للعراق وهي توصيه بابيات
وهي تقول:
يا راكب اللي روحت كنها الطير = بنت الذلول ولا عمقها ردية
تلفى بيت بين للخطا طير = بيت كبير ما نزل به شغية
ان جيت جوزا جالسه قل مسا الخير = طشاشه النيرات ماهي خفية
المصدر كتاب نساء شهيرات من نجد تأليف د/ الحربية
** وضحى الثابتية
الشاعرة وضحى رشيد صالح الرديعان الشمري من الثابت شاعرة متمكنه له اشعار للاسف ما
حصلت له الا هالسالفه وهالابيات اللي عنده معرفه لا يبخل علينا بالتعقيب
المهم ابوه اللي هو صالح خذا وهوشايب له عجوز انقطعت عن الظنا له قطعة عيال كبار المهم
هو ماله (انت يا صالح) الا بنت اللي هي وضحى وذلت وضحى ان ابوه ينقطع من الدنيا ماله
ضنا عيال يشيلون اسمه وهي ترسل هالابيات التاليه تبي ابوه ياخذ له بنت تضني حيث قالت:
يا بوي خذ لك زوجة تفتح الباب = لا مت يا مشكاي ترث عياله
دور نصيبك عند جلاب الارزاق = حتى ان نفسي ما يجيها ملاله
أخاف انا يا بوي من صكة الباب = واقرد عيني ثم عزي لحاله
طاعه ابوه وهو يطلق العجوز وهو ياخذ له بنت تضني وهو يرزقه الله قطعة عيال وفرحت
بهم وضحى وقر عينه وعين أبوه.
المصدر كتاب نساء شهيرات من نجد تأليف د/ الحربية
رد مع اقتباس
المفضلات