راعي القـرن الاشقـر شـد قلبـي وتلـه
تلـة السيـب غيصـه مـن يحـور الظـلام
ليتنـي شـذرة زمـام علـى مبسـم لــه
فـوق خـد تكاشـف مثـل بــرق الـظـلام
كــن بعيـونـه الـخـزرات جـمـع وسـلــة
عسكـر الـروم حمـران الوجيـه الطغـام
صاحبي وان ذبحني بالهـوى فـدوة لـه
ذبـح خلـي حـلال وذبــح غـيـره حــرام
حـب خلـي بقلـبـي مــا تـعـدى محـلـه
كــود بــرق الصبيحـيـة تـعـدى سـنــام
قلـت يـا صاحبـي مهـوب ذا الحـب كلـه
كثـرة الحـب يضهدنـي ويبـراعظـامـي
قـال لـي مدمـج السيقـان خـلـه لعـلـه
منـك انـا مونـس حــر الـمـودة شـمـام
عـنـز ريــم تـقـود الصـيـد دقــه وجـلــه
عـذبـت نـاقـل البـنـدق سـريـع الـــولام
ماتجـي فـي ملاقيـفـه ولا مـدهـل لــه
حذرة الصيد ما تصطى عليها المرامـي
صاحبـي بـا لضمـايـر بـانـي مـنـزل لــه
قصـر خلـي عمـار وقصـر غيـره هـدام
صاحبي ماهرج له في جلس بالا ظلـه
ولا يـــطــــاوع خــاربــيـــن الـــذمــــام
لـي حبيـب ليـا قابـل حديثـه مــا امـلـه
كـود امـل اللبـن مـن در هجنـا السنـام
ياوجـودي عليهـن وجـد مـن فاطـر لــه
غرة النوم عنهـا فـي فـروع المظامـي
في الحتيفـة خـلاوي والدحـل مـا يدلـه
ما حواليـه مـن يعطيـه حمـض الاعـلام
فوقـهـا قربـتـه ونعـولـه ومـزهـب لـــه
وحام دون الدحل عمس معيف وعامي
للشاعر ضويحي بن فهد بن رميح الهرشاني
رد مع اقتباس
المفضلات