الاتصالات اللاسلكيه شي غريب
ثوره في علم الاختراع
لوهو انا اللي مخترعه تسان لياهالحين وهم يردوني
يحسبوني ساحر
عاد في بداية طلعة الجوالات
ياحنا كنا سبايك ما ندري منين هي هابه
صارت الكثير من المواقف
مرتن من المرات
كنا نسولف انا وخوياي بالشارع
ويجينا خوين لنا توه مطلعن جوال
وحنا ما عمرنا سمعنا بوه
اللي اسكت مركب كاشف ببيتهم
وانا اتطلبوه قلت تكفى ابي اكلم بوه شوي بس
ابسوي مقلب بهلي
ويعطيني جوالوه
وانا اتصل عليهم
ويردون علي العيال
الووووو
قلت فلااان
قال هاااه شتبي << عليهم اسلوووب يكصم الوجه
قلت انا الشرطه مسكتن وانا الحين عندهم
واااااااااااااااااااااااا وااااااااااااااااااا
يمه شبيثااان حرامي مسكتوه الشرطه
على طوووول لبسوني قضيه
اشوى انهم مهم هم الشرطه ولا تسان حاكمينن علي اعدام
وتجي امي تركض
عطونياوه ابكلموه
وترد علي
وانا بهاللحظه امشي رايح للبيت
قالت امي ياوليدي وش انت مسوي
قلت لا عادي يمه بسيطه بس طاعنن ثلاثه ومرقدين بالعنايه
ياوليدي وش تبيبهم الله يكرههم
واجرجره بالحتسي
واسمع اخوي الكبير ضاربن سبك عنده
يقول يمه عطينياوه ابكلم الضابط غديه يطلعوه
اخسسس ياوجه العمز الممطوره
وش عندوه عبيد غثيث
المهم واقعد اجرجرهم بالحتسي
وفجأه
<< مسوي اثاره
واخششش عليهم
ويراعيلي اخوي
يمه
انحاااااشي جني
افاااا وينهو اللي يبي يتوسط لي ابا الخايبات
وهي تنصفر امي يوم شافتن
انا يوم شفته انصفرت وانا اهرب
ماني ذالن على نفسي
ضالن تكسر جوال خويي على راسي
وهذي مره << مطول الاخ
جانا خوين لي توه مشتري جوال سامسونج اللي ينفتح فتح
اول ما طلع
الحين يعروه الظاهر بريالين او ثلاث مدري
المهم ابلشت الضعيف
تكفى ابي اخذ الجوال معي للعيال يعننوه لي
قال خلاص
واخذوه
واجلس عندهم
واطلع الجوال
بس
الجوال خرباااان
ياويلي
وش اقول لراعيه
انا مادري شلون خرب معي
الظاهر انوه كمخ جدار وخرب
مدري وشلون خرب بصراحه
وانا طايحن وجهي من خويي
ياربي شلون اعتذر منوه هالحين
قلت يارجال ابي اشتري لوه واحدن جديد
وانا اروح يموه
قلت يا فلان
والله مالي وجه اقابلك
قال افا وش العلم
قلت هذا جوالك بس اعذرن خرب
وابشر والله بالعوض
علي ما علي الا اجيب لك بدالوه
وهو يراعيلوه
ويموووت ضحك
قال ياخي هذا طفى شحن
قلت يعني شلون
قال يعني اشبكوه بالشاحن وخلاص
قلت وشو الشاحن
قال ياخوي الجوال مهو خربان بس اندزلع
وبس
وتقلدوا تحيتي
رد مع اقتباس
المفضلات