% لعزن مغلغزن مزبركن يخلي اللي ما يدور يفتر %

**الشبث** · 12-01-2011 21:48

صلفيق

تبيني اصلفقك ؟

الكراسي والطاولات كسرتهن على روس اللي قبلك

انتبه

وتقلد تحيتي

**الكاتم** · 13-01-2011 03:33

المشاركة الأصلية كتبت بواسطة الشبث

جايكم لي نهيت

ابي والله حلوقكم

وما دون الحلق الا اليدين

اما اني اغولكم << وهذا الاقرب

او انكم تطرحوني وتفلقوني وتعجنوني بالطاولات والكراسي اللي بهالمضيف كلهن

عاد شدوا حيلكم

وهااااه مهو تقولون مهو تحدي

تروني اعلمكم من هالحين

لغز انا بادعوه ولا فيه جني ولا انسي يعرفون

واي واحد يجي ويقول رمعة غلط ابي اقولوه لوا يلوي بطنك

مااافيه تفااهم

الكاااتم والزنيدي والحيمري والظفيري والجعيثن وحتى ابو سلطان

مافيه امل تحلونوه كلكم

والله لو يجي ريال الفسحه على غفله

ما اطول عليكم

لكن ابي ابلغكم اننا نبي كل يوم تحدي

يا تفلقوني ولا افلقكم

شدوا الاحزمه

ويقول اللغز

انشدك عن عودن فعل له مصيبه // طرد بناته عن مكانه ولايلام

يومه كبر او حسّ طعم الغليبه // بــدا يرجّعــهن على بـيته شمام

وتقلدوا تحيتي

وش راي شبث الفلة بالرمعات الرياضية او السياسية

**بالمختصر..** · 13-01-2011 06:19

انشدك عن عودن فعل له مصيبه // طرد بناته عن مكانه ولايلام

يومه كبر او حسّ طعم الغليبه // بــدا يرجّعــهن على بـيته شمام

صعب ..!

.
.

**ابو ضاري** · 13-01-2011 06:54

جالسن ورا الشبث

حمايه ولابس باكستاني للمهمات الصعبه

هذه الغاز الفله

عطن راسك احبه ياشبيثان

دهورهم

هين تحلونه

وانا ابي اتحداهم بلغزن بعد لغزك يالغالي

**حركات** · 13-01-2011 10:59

والله اني جديد وشدوقي غاديتن حمرا

ودي اجاوب بس حاطن حساب الفشـل

بما ان تفكيري هاليومين مع المنتخب

اتوقع هذي طردة بسيرو وعودة ناصر الجوهر

الشبث لاتقسى علي تراني بقراطيسي

دلعني لا اجفل

**الحيمري** · 13-01-2011 11:27

المشاركة الأصلية كتبت بواسطة ابو ضاري

جالسن ورا الشبث

حمايه ولابس باكستاني للمهمات الصعبه

هذه الغاز الفله

عطن راسك احبه ياشبيثان

دهورهم

هين تحلونه

وانا ابي اتحداهم بلغزن بعد لغزك يالغالي

وكملت ابوضاري وين ريال فسحه
لا لا ينقلب مضيف الالغاز للفله

هذا سبلاي للشبث

اقول وشرايكم تجيبون المخطر والخروع
وجميع معدات الاجرام هنا

رحتو فيها يالربع انتم بنات مخينززز

هلا ابو ضاري>>>>>>>ذال يزن الكلا

**كبرياء انثى** · 13-01-2011 17:39

الجواب هو الشبث بكبره >>>>> يعني حلته

احم احم >>>> شرايك برمح هههههههههههههه

**فهيد الطرقي** · 14-01-2011 00:17

شبث والله اني داخل فارد عضلات اول

ويوم قريت اللغز يااااخيي وانا انحاش

وتوبه ماعاد اطب هالصفحة قفل مخي

انا قايلك من اول انت عندك مشكلتين اذا احد مدحك واذا شغلت مخك وحطلي تحته كم خط الاخيره

وهالمره شغلته وجبت المطمه

(تكفى علمني)

**وافي الزنيدي** · 14-01-2011 05:03

يالربع ناولوني خشبه تكفون خل اشلخ راس هالشبث على هاللغز...

والله ان لغزك يجمد على الشارب يالذيب لكن خذ هالرمعات واذا اصبحنا يجيك الباقي :
1- ابناط البلوت
2- الاهداف اذا تعادلوا بالنقاط بالدوري
3-اذا عبيت بنزين وقالك الهندي عشرة والتفت للعداد ولقيتها عشره ومعها كم هلله
4-تضييع الوقت بالمبارة اذا صرت فايز واحتساب الوقت بدل الضايع

وتسلم على هيك لغز ...