تـدرين احبك من ثلاثه وتسعين
واليــوم عـام الفين قــرب يجينا
طيفك فلا يغيب لحظه عـن العين
وأن غاب طيفك ضاقت الارض فينا
وينك تعــال ارجــوك ياكامل الزين
شـوف الــزمن غــدار يلعب علينا
الــوقت طـوعنـا وحنـا ســلاطين
غصبـا نطيـع الـوقت لـو مــابقينا
الوقت مشانا على الزين والشين
بـالله قـولي وش بقى في يدينا
انــا هنــا ولا انت يـاغـاتـي ويـن
حتى الرسائل لـو نبي مـاتيجنـا
ضاع الامل ضاعت جميع العناوين
على الامـل عشنا ورحنــا وجينــا
يـامـا لجينــا لصبـر والصبـر شيـن
ويـامــا صبـرنـا ليـن طـالـت علينـا
دنيــا تصفقنــا مـن ايسـار ليميـن
ويــامـا ضحكنــا بــه ويــامـا بكينـا
جداي بالدمعات في داخل العين
ورجـــاي بـالعبـرات هــم ونينــا
وسلامتكم
المعذره القصيده قديمه شوي
من الارشيف يارب تعجبكم
رد مع اقتباس
المفضلات