صبحكم / مساكم الله بالخير جميعا
كل عام وانتم بخير وصحه وعافيه وسلامه ..!
وماغيرك اللي ليا صكّت بنحتاجه
القصيده :
لي كم يومٍ ونار الضيق وهّاجه
وأفكار تآتي معي وأفكار أخرّجها
ودموع عيني من الأفكار هداجه
حسبي على العين تحرجني ولا أحرجها
وأغنّي البيت وبيتٍ يرشد سراجه
غنّاه ابن عون وعون الله يفرّجها
ماغير أهوجس تقل مضيعٍ حاجه
وآخذ وسند على روحي وأهرّجْها
يالله ياللي جميع الخلق تحتاجه
عبدك شكالك وخيل دعاه مسرجها
إنك تهون على اللي يبحث علاجه
وتقبل دعايه وصوب السبع تعْرجها
مِن طاح .. كنّي سجينٍ يبغي فْراجه
ولاّ كسيرٍ ورجله صعب يدرجها
وماغيرك اللي ليا صكّت بنحتاجه
وماغيرك اللي ليا ضاقت يفرّجها
الشاعر / جارالله الشدي
رد مع اقتباس
المفضلات