ياوغد بيض الهقاوي لو تبي مني مثال
تربةً كف العطايا طيبنا فيها غرس
ابجدية مهلكات النفس لاصار الحلال
حرّمه ذنبً يعاند كل زيزومً درس
ان فزعات الشهامه لو حصل فيها مجال
ذلَ ماباق الشجاعه يوم حنا له حرس
ياولد عم المعزه طاوعت فيك الليال
كل زيفً ضيع اصل المجد يوم انه ترس
جعبة التاريخ كذبه لو يصححها جدال
صوت حقً لاتعالا راوي الكذبه خرس
صدرها شهرً حرام ولا يحل فيه القتال
وانت سيفك في جفيره يفتن لجام الفرس
انتهك بوحي تعابير القصيد
وطاحت عبي الحكي لغترّها
يشرب زلالي ويبغاني ازيد
ولا ارتوى مافكني من شرّها
شارده ماطاوعت عبدً وسيد
من بنات الفكر مااحدً فرّها
غرها وسواس شيطانً مريد
سلمت لـ الشعر باقي درّها
احملت بيتً وسط رحم الوريد
وذاق دم المترفه من مرّها
بسمله مانوّخت جنً عتيد
الضنا يبغى اجر من برّها
ندّرً لو مابقى منها شريد
مانفعها بـ الاصايل كرّها
تنتخي وقفات زيزومً عقيد
فزعته بارض الغدر ماجرّها
ياشوارع تطلب المجد التليد
المراجل منهو اللي صرّها
ليلها ساهر على ماضي مجيد
والفجر يخنق صدر من زرّها
ليه احساس المسا دايم بليد
والورق يمنى القلم ماأبترّها
الطنا ردد وحساده تكيد
وعزنا ذل البشر مامرّها
العوا للذيب والنخوات بيد
والسناعيس اعرفت وش سرّها
مايفل من الحديد الا الحديد
وطبّها في داء منهو ضرّها
الحسد بنفوسهم عيا يبيد
وحقدهم لقمة غبن واجترّها
الهشيم اللي يغطيه الجريد
اصفره يبكي على مخضرّها
من شموخً يكتب العز ويعيد
لخبط الذكرى وشق صورّها
كاس وقتً طاح من كف الشديد
وازرت سنينه تلمّ كسرّها
من سكت سالم ولو ماهو سعيد
وجيب ترفات الصبايا طرّها
حرً وشيهانته ام لـ عبيد
ابتلت بالذل يومه غرّها
يالامير ابن الامير ابن الرشيد
دمعتي عقبك تزايد حرّها
رد مع اقتباس
المفضلات