.
.
تعريف النذخ لـ غير الناطقين بـ الشمريه : هو التميلح و الترزز و يمقن هو جنون العظمه
و يتجلى في عدة أمور , منها - على سبيل المثال لا الحصر - : تعديل القذله , عند العجز
و التنسيف , عند الشيبان
المهم ,
أخطر شيء إذا أجتمعت الفزعه مع النذخ .. إنحاشــــــــوا !
أخوي يسمي الفزعه و بـ التحديد فزعتي أنا , " نخوة الجاهليه "
يقول إنتي توافقين على طوووول و عقب تفكرين إنتي تقدرين تسوين هالشي و ألا لا
مره من المرارات قالن لي بنات من معارفنا بـ الكويت إنهن يبني أروح معهن لـ الصالون لأنهن ما يعرفن لـ نظامنا هنا ..
عاد هن عروسات .. يا قرادتهن
و العرس بـ الدمام بعد , يا سلام سلم ..
حنا معزومين طبعاً و ما كنت أبي أحضر مع أهلي بس حضرت عشانهن و من الصبح و أنا وياهن بـ الصالون ..
أفطرنا هناك و تغدينا , أهل العرس أرسلوا لهن غداء محترم , و يوم جاء وقت العشاء محد طق لنا خبر
و هي تشتغل الفزعه
قلت أنا أطلب لهن عشاء , و أروح يم العاملات كلهن شرق آسيويات أسألهن عن المطاعم اللي توصل ما ردن علي هن و وجيههن ما يعرفن ألا إندومي
قلت شلوووووووون طيب ..؟؟!!
و هي ترد وحده : في سوبر ماركت قريب ..
قلت : ما ينفع !
قالت وحده من البنات : لا تكفين , ما نبي من المطعم ..
أطلبي لنا كاكاو و عصيرات و خفايف , بعد زين إذا كلينا
خذيت رقم السوبر ماركت و أتربع ع الطاوله عند التلفون و أدق عليهم
قلت لوه الطلب , و يوم قفلت إلا تقول لي الكوافيره : هذا مافي يجي !
أثاريهن كل ما يتصلن ما يوصل لهن ..
قلت بس !
تقولين قريبه ..؟
قالت : إي ماما قريبه بس حنا ممنوع نطلع ..
قلت : إنثبري أنا أروح
و أدور عبايتي ما لقيته .. أرسلنه بـ الغلط لـ شقة المعاريس مع أغراضهن
قالت أم العروس : إلبسي عباتي ..
قلت : الحين عادي ألبسه بس بعدين شسوي ؟
و أروح آخذه و أقبع به
إحساس غريب أول ما لبسته , واااااسعه حيييييل حسيت إنه تصلح لـ الدحه خخخخخ
و واقفه قدام مرايه أعدل نقابي و أغني : ميّل عقاله ولد شمر<< تناقض !
و بنت راعية الصالون خذيته معي تونسن بـ الطريج .. و تدلن بعد ..
و حنا نمشي و نسولف نتجاذب أطراف الحديث يعني .. و هي بس تطالع بي مدري ليه
قلت يمقن معجبه<< برااااا
الله يقلعهن قطعنا 3 شوارع وين اللي تقول قريبه !!
بس لفت نظري و حنا نعبر الشارع فيه ناس تدق بوري و ناس يتكلمون توقعت فيه مسيره
وصلنا أخيراً و أنا أشوف زولي عاكس على حدا الثلاجات و أنا أنخرع بغيت أنصفر
يمار العباة قصيره و طالعن شليلي لابسه فستان حفل
هنا عرفت وش سر الفوضى اللي صارت بـ الشارع و نظرات البنت
يا ويسي و أنا حيلي ع النقاب أعدل بوه مالله هداني أبحر تحت << طايرتن بوهته
بس تدرون إني ذكيه و مثل هالأشياء ما تسبب لي إشكال
نزلت العبايه
أقصد نزلت العبايه على كتوفي
يمقن أنا اللي طلعت موضة عبي الكتف الواسعه خخخخ
و من زود القراده يوم رجعت لـ البنات إلا يقولن :
أول ما طلعتي جاء الطلب اللي طلبتيه من السوبر ماركت و رجعناوه ..
يعني بس تمشورت و تشرشحت ع الفاضي و أنا أعرّض بـ عبايتي المشمره بـ شوارع الدمام ما ضل أحد ما ضحك علي
.
.
رد مع اقتباس
المشاركة الأصلية كتبت بواسطة بالمختصر..
المفضلات