% حلم ياقض %

**الشبث** · 31-10-2010 15:06

على قاف احلام اليقضه

بس المفرد منهن حلم ياقض .!

اعتقد كذا

المهم

يازين الترفيع

يخششك جو

خصوصاً اذا صرت على طرف بواهه

مره من المرات كنت جالس عند ابوي وهو شاب

كنت في ريعان شبابي

يعني ابو 16 او 26

المهم اني بالطعش

وهم يسألون الشيبان ابوي

قالوا :

ولدك فلان وش يبي يطلع

ويرد ابوي

وفلان

وفلان

ليما جاء دوري

وانا فاتحن افمي على المكيف الصحراوي

وانواع الفهاوه الى ان وصلت الى حد الدلاخه

المهم

جت ساعة الصفر

قال واحدن منهم

وشبيثاااان يابو فلان وش ندحوووه ؟

يعني شبيثان وش يبي يصير

انا هنا بلعت ام العافيه قلت هذا حيوااان يبي ابوي يحرجن قدامهم

وابوي شكلوه يبي يخربها ويضحك هالزلايب علي

قال ابوي

شبيثان

والله ونعمين

هذا يبي يصير مخترع ولا شي

شبيثان هذا ذيبااااااااااان مافيه منوووو << تخبرون ثقافتنا لبنانيه

وانا ادووووخ يا عيال

واخش جووووووووو

اييييييييه يبه من زمااان خلك كذا

بغيت اقوم اهز بينهم واسوي حركات اغث الخبيل اللي سأل

بس قلت ياولد دام الامور تمام ابلع العافيه

وانا اقوم اهوجس عندهم

خشيت مشاريع

قلت ياولد انت ليه ما تخترع شين لو كاسه تبيض وجه ابوك

وانا انجضع على المركا

واقوم اهوجس

واتخيل اني لابس قبوع على راسي

وشعري ليا سري

ولحيتي

يعني زي اللي يخترعون

وبلي غرفه لحالي وانواع الدخنه

ولابسن مناظر

وبدون فانيلة << وش عرفكم لنا يالمخترعين

واقوم اشتغل على اختراعي

واجلس شهر كامل ما طلعت من هالغرفه

عيشتي كله فطائر لوزين وعصير الربيع << لاحضو الزهد

وبعد شهر

اوووف ياللي بعد شهر

واسمع قرشه قدام الغرفه

وانواع المجااالد

واللي يحب النبي يضرب

اثري الصحافه والصحفيين ينتظروني اطلع واوريهم الاختراع

وانا اطلع لهم

وللامانه يوم دخلت الغرفه في بداية شغلي على اختراعي كنت لابس طاقيه شخال

من البطا نابتن الشعر مع الفتحات

ويحيوني الصحفيين

ويصورون معي

هاه يا شبيثان العبقري وش اخترعت لنا كأمه عربيه

قلت اخترعت لكم شي خرافي

قالوا وشو ؟

قلت انا اخترعت لكم جهاز ضد السرق

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

علاماااااات استفهااااااااام تستفهم فوق روس هالخبول يبوني اوضح اكثر

قلت اسمعوني

فيه هبنتر سرقان مانا كثرهم هاليومين

ونهايتهم على يدي

لان مثل ما تعرفون الاخوان في الشرطه مهم فاضين

تروح تشتكي ويسجلون من هالاوراق

والدوريات يالله ينامون حدر هالكباري وينتفون المواطنين مخالفات

فالحراميه خلوهم علي

جهازي هذا طال عمري كالتالي

تحطوه عندك بالبيت

واي شخص يدخل البيت يبي يسرق

تطلع يد من هالجهاز وتغولوه غوووول

وتطلع يد ثانيه وتقوم تبقسوه تبقيس ليما يعرف ان الله حق

وتطلع رجل وتمحطوه شلوطي ما يطيح الا على بعد كيلو

وبس

قال واحد منهم ياخي شلون تطلع يد وتبقس الحرامي

قلت قرب بالله شوين ابيك << ناويه

وانا امحطوه بقس بالفره

مافطنت الا سطل الكاسات جاين على راسي

اثريني بقست حدا الشيبان اللي عند ابوي وصفقن ابوي بسطل الكاسات والفناجيل

واقوم لي مرافس بينهم ويالله اخلص روحي

وبس

وتقلدوا تحيتي

**شرهه** · 31-10-2010 15:25

ههههههههههههههههههههههههههههههههه
ههههههههههههههههههههههههههههههه
ههههههههههههههههههههههههههههههه

عدي اشوف ابوك

قال الله يلعن الساعة اللي مدحته به .. هاللي فضحنا
هههههههههههههههههههههههه

عز الله الدندوف ما ودك ينمدح

لاهنت على هالسالفه

**الشبث** · 31-10-2010 15:27

وش اسوي يالشهبا

هذي غلطتوه

لوهو معودن على المدح تسان ما تأثرت

بس كذا فجأه

صعبه

خخخخخخخخخخخخخخ

لاهنتي على هالمرور الطيب

وتقلدي تحيتي

**دلع الاتي8** · 31-10-2010 16:08

يسلمــووو الشبث

ههههههههههههههههههه

أحـــراااج اللي صار معك

عاد تخيل لو يصير هالجهاز والله شئ عالمي

وبصراحــه أنا فهت كل الموضوع الا هالكلمه >>هل من مترجم

[QUOTE=الشبث;1024081][CENTER]

فيه هبنتر سرقان مانا كثرهم هاليومين

**الشبث** · 31-10-2010 16:10

هههههههههههه

يالله حي اختي عاشقة المرينقي

بغيت اقول عاشقة الهبنتر خخخخخخخخخخ

الهبنتر يا ستي يعني سرابيت

ان شاء الله وضحت بس هههههههههه

لاهنتي على هالمرور

وتقلدي تحيتي

**فوق الغمآم ~ْ ْ** · 31-10-2010 19:09

قبل التعليق ،،

حمدلله ع سلآمتك ،، وطهور إن شآء الله "

،

أبوك بلشآنن بك يجرب معك كل الحآلاآآت يبي غدي حديهن تنفع مآر الظآهر ولاآآ حآله {

من عرفتي لك وإنت مقردن ( مآدري القرد أنت اللي تحبه والإ هو ،،

**مشعل النماصي** · 31-10-2010 20:30

هههههههههههههههههههههههههههه

سولافه حلوه ولاهنت

**عبدالله الجعيثن** · 31-10-2010 20:58

ههههههههههههه

انا من ابدا قرايه لاي موضوع لك

اتحرا متى تنردغ بالاخير

حلولات من فتل الشعر من ورا الطاقيه وخلاه ماتنزل الا عند الحلاق

**ريال الفسحه** · 31-10-2010 22:36

اول ماهي تبي تخترع الكاسه وكانك
تدري ان الشايب يبي يتواسالك به خخخخخخخخخخخ

اقول

انت قريب من المخترعين بس فيه فرق بسيييط

هم يقولون ( مخترع ) انت ( تخرع )