صفحة 1 من 5 1 2 3 4 5 الأخيرةالأخيرة
النتائج 1 إلى 10 من 46

الموضوع: [ الرزايــــــــا إذا توالت ...تولت....حميده وأنا ...ذات مساء ]

  1. #1

    اندهاش [ الرزايــــــــا إذا توالت ...تولت....حميده وأنا ...ذات مساء ]



    معي علم ان الذكاء درجات وإن كل آدمي تختلف طريقة فهمه للامور من حوله

    لكن انك تبتلى بالتعامل اليومي مع انسان نسبة الفهم لديه متدنيه الى اقصى حد

    فهو امر يبعث على البتسي .....بل وقد يوصل الى شق الهدوم ولطم الخدود
    .
    .

    بعد المقدمه أعرفكم على حميده بطلة القصه ....شغالتي المملوحه

    طبعاً حميده اسم مستعار لأن ماعندنا شغالات تطلع اساميهم بالنت

    .
    .


    حميده ...نظيفه وشغيله وحبوبه ....وابتسامتها تمتد من اذنها اليمنى الى اذنها اليسرى

    بس عيبها انها تركت مخها في ديرتها وجتني تدربي راسها

    فارغاً الا من هواء ...ينتقل في تلافيف الدماغ كيف يشاء

    .
    .


    أول يوم لها .........دخلت المطبخ ولقيت الدنيا تبرق !!

    طبعا من الفرحه بغيت احب راسها

    فتحت الثلاجه وجدت ترتيب وتنظيم و............كيسة سكر الاسره متكيه في الدرج العلوي

    فتحت الفريزر وجدت الكتشب والمايونيز ينتفضان من البرد

    فتحت درج المنظفات ...لقيت اللبن والكورن فليكس يندبان حظهما

    والاريل والكلوركس ....يشعران بالاحباط


    ورغم اني كنت على وشك الاصابه بجلطه

    لكن تمالكت نفسي ...وقررت ان اعلمها صيد السمك

    وبعد جهد مضنى وشيل وحط واشارات وكلمات من شتى اللغات

    فَهِمَتْ !!..........او انني ظننت انها فَهِمَتْ

    لأنه في اليوم التالي

    وجدت جبن الكيري مجمداُ وزيت الزيتون يرافق الفيري في مجلسه العامر !!
    .
    .

    في يوم ما ......اقردني الله ..وقررت ان سجادة الغرفه تحتاج لغسيل

    طلبت من حميده ان تطويها وتضعها بجانب الباب حتى يأخذها السواق للمغسله

    وبينما انا امارس مهام الامومه مع فهودي ...(مع انه موب وجه حنان امومه )

    سمعت صوت حنفيه البانيو ....

    توقعت انها وحده من طوارى طلال

    لأن الولد اتيكيت ويحب حركات الطبقه المخمليه ....كل يوم يعبي البانيو

    ويصف البطات والبواخر ويتكي ويهوجس ....ويطلع لابس روب الحمام



    بعد ماوصلت لمكان الجريمه ...صدمني هول مارأيت

    وكاد يغمي علي...... الا شوي

    عمتي حميده ....حاطه السجاده الغاليه اللي دافعين فيها شي وشويات

    في البانيو وقاعده تنطط عليها ...

    وقد وضعت عليها طن من الصابون .....او يمكن كورن فليكس ...العلم معها

    واما انا فأن الدنيا كلها صارت بعيني كورن فليكس

    خذيت فاصل اعلاني وقعدت احاتسي روحي

    قلت لنفسي : اذكري الله ياام طلال المره مجتهده مسيكينه

    ومقصدها خير ......بس مخها مايساعدها


    اخذت نفس عميق ...وقلت لها والعبره خانقتني ...لييييييييييييييه !!

    ليه ياحميده .....بوه شي اسمه ..أسأل المدام واسوي اللي تقول عليه

    موب ادبر من راسي

    وااااي ياحميده واااااي .... ؟!!

    واللي يرحم والدينتس ( آسك مي) قبل لاتحورفين من روحتس

    ( تيل مي ) قبل تقررين وتنفذين قراراتس منا والدرب

    ( اندر استاند ) اول ....بعدين طبقي ....

    انت عكس العالم ياحميدوه ....تطبقين بعدين تحاولين تفهمين !!


    طبعاً هي فهمت من المناحه اللي سويتها

    اني اقولها زيدي من الصابون

    حطت باقي العلبه وهي ترسم ابتسامه بريئه

    .
    .

    بعد معاناة وشرح وطرح .....اخرجت السجاده صاحبة الحظ السيئ على ارض الحمام

    تحملت يومين من الرائحه اللي موش ولابد على اساس تنشف شوي

    ونرسلها للمغسله ...اي المصبغه على رأي اشقائنا في الكويت
    .
    بعد هاليومين

    اقردني الله مرتن أخرى ..وناديت حميده ...وقلت لها :

    شيلي السجاده ونزليها للسواق يوديها

    شرحت هذا بكل اللغات وبكل الاشارات

    بعد قليل ....سمعت صوت حنفيه البانيو يلعلع في الارجاء :confused:

    وضعت يدي على قلبي ......كل مااخشاه أن تكون حميده عملتها مرة ثانيه

    مشيت على مهل ......واستقبلتني رائحة الصابون ..وزادت دقات قلبي

    وارتجاف اناملي ......وعجزت عن ابتلاع ريقي ........ووصلت !!!


    وصلت


    وصلت


    وصلت

    واثاري عمتي ...تنطط مجددا على السجاده وهي غارقه في البانيو



    ياااربي الانتحار حرام

    وقتل النفس الاخرى كذلك حرام

    ياربي ماذا افعل ؟!! ماذا افعل ؟!!

    حاولت يغمي علي ماقدرت

    حاولت اعبر عن مشاعري وخانتني الكلمات

    حاولت ابتسي .....فعصاني الدمع


    ابتسامتها العريضه وتصورها انها فعلت شي تستحق عليه الشكر

    منعني حتى من اللوم

    مالي الا الصبر ......

    إذا ما ألمت شدة فاصطبر لهـــا

    فخير سلاح المرء في الشدة الصبر

    .
    .




    ريال فسحه ....ماتبي عروس ببلاش


    .
    .
    .


    المشاركه المتواضعه في الفله لعيون السروق الشبث

    وياليت يا خيه تكثرين من طلاتك

    وبعد ياليت تنزلين موضوع
    كم عندي من ابو ماجد

    هو واحد ......وسرق حصاني







    تبسّمْ سلمتَ
    فحُزنُكَ ظلمْ
    أيحزنُ من عندهُ
    وجه أمْ

  2. #2
    أبو عبدالله الصورة الرمزية منصور الغايب


    تاريخ التسجيل
    04 2007
    المشاركات
    11,380
    المشاركات
    11,380
    Blog Entries
    1


    هههههههههههههههههههههههه


    أم طلال بالفلة ... يامرحبا يامرجبا ..


    أعتقد إن اسمك هنا .. دعاية للفلة ... لازم يعطونك عليه مقابل

    الله يعينك على حميدة ... وياكثر الحميدات بالدنيا .. ..

    بس اللي عجبن من كل هالسالفة ..

    جبن الكيري ... ياحبه لي




  3. #3
    مراقب المضايف الاسلامية الصورة الرمزية ابو ضاري


    تاريخ التسجيل
    03 2007
    الدولة
    الجبي
    العمر
    45
    المشاركات
    15,733
    المشاركات
    15,733
    Blog Entries
    1


    نورت الفله بوجود اسم ام طلال

    وان شاء الله دوم تنزل من المواضيع

    الله يعينتس على حميده واذا مانتبهتي لحميده تحوس لكم البيت










  4. #4
    نائب المشرف العام الصورة الرمزية عبدالله الجعيثن


    تاريخ التسجيل
    03 2002
    الدولة
    بقيق
    المشاركات
    23,585
    المشاركات
    23,585


    يابعد معاليدز تسبدي ياحميده



    اعزف على عود المشاعر تقاسيم
    .... شفني جمعت اضلاع صدري لك اوتار

  5. #5
    مشرف مضيف فلة حجاج الصورة الرمزية ريال الفسحه


    تاريخ التسجيل
    10 2006
    الدولة
    ALFLH CITY
    العمر
    38
    المشاركات
    12,516
    المشاركات
    12,516


    8

    اجل اعرس عليه بدالي خخخخخخخ



    ام طلال ناويتن تجلطيني
    >-- جالس يتخيل يلقى شماغه بشنطة الابتوب
    والنعول بدرج الملابس والثياب محل النعول خخخخخخ


    هذي اللي يسمونه كمخه


    مالتس الا الصبر والا تختمين على جبهته وترسلينه
    بكرتون كورن فلكس للديره

    وبرايي السديد تودينه لحدا الربع وبشرط يكون بدوي
    او قروي والله ماتاخذ له اسبوع الا هي فلته من كثر
    العجن اللي يبي يجيه



    منوره ام طلال



    ـــــــ ملييييت..

  6. #6
    وش/ حيلتي
    مشرفة النادي الترفيهي
    الصورة الرمزية صعوة فسفورية


    تاريخ التسجيل
    09 2008
    الدولة
    الشير
    العمر
    40
    المشاركات
    4,881
    المشاركات
    4,881


    هههههههههههههه

    وماخفي كان اعظم

    الله يعين ويساعد وظل شغالة ولا ظل حيطه خخخخخخخخخخخخخخ


    والقادم مذهل اكثر ام طلال



    نورتي



    ؟

  7. #7


    شفتي سالفة وقصة حميدة وشو سببها

    ادري بتقولين قلة الفهم ونقصان العقل

    وهات سب لحميدة

    بس السبب مو هذا

    ايه صج السبب مو هذا!

    ولا له علاقة بأختلافات الثقافات

    هاه عرفتي ولا بعد!

    ادري تقولين بعد

    ماعرفت السبب

    اقول ولا تحاولين تعرفين السبب

    السبب طال عمرك

    واضح ولا يبي بيان

    نعم واضح

    تدرين يوم انادي

    بالتعدد ليش

    عشان نقضي

    على السلبيات

    واللي من ضمنها

    مافي بالبيت

    الا انتي وحميدة

    لو تذبحك محد عندك

    عكس لو ابو طلال معدد

    بمثتي وثلاث ياست


    حي الله ام طلال في مضيف
    والفلة اليوم في حالة حفلة.



    عالج بؤر التوتر مبكرا
    وانس احزان الماضي
    لكن
    لاتنسى ان تستفيد
    من اخطائك ولا تقل لو .
    ---------------
    أحذر تعيش الوقت من دون عنوان
    ولا تســــــوي للمبــــادي إبــادة .


  8. #8
    مشرف مضيف الشعر المنقول الصورة الرمزية جمران


    تاريخ التسجيل
    01 2010
    الدولة
    راس طعيس
    المشاركات
    9,169
    المشاركات
    9,169


    اقتباس المشاركة الأصلية كتبت بواسطة ريم شمر مشاهدة المشاركة

    ......وسرق حصاني


    وجتك عليه حميده



    هههههه



    طِبْتَ حيّاً وميّتاً ياآ أبتاهـ

  9. #9


    ريومه
    قاعده اقرى على البنات سالفتك

    وكلهن بصوت واحد
    <<< يادافع البلا عندنا وعندكم خير


    حنا اول اسبوع
    التفاح بالفريزر ماينفع لااكل ولاعصير

    بعد كم شهر
    لاب توبي رحت المدرسه وهو صاحي وش حليلوه بس الفيروسات نايمه داخله
    لكن عموده الفقري ماعليه خلاف


    بس خليته بالصاله
    وجيت الا هو بغرفتي ومكسور نصين وش القصه مدري؟
    ومع انه بيتنا مافيه ولاجربوع ينطنط اكالاسبوع

    رحت اصلحه قال بقيمه جديد

    الله يعوضنا


    غسالتنا عندنا له سنين اتوماتيكيه تشتغل على سنقة عشره
    خربت راحت امي اشترت غساله عاديه

    قالت هذي اللي تصلح له



    يووووه وش نقول هن شرٌ لابد منه
    على كثر خرابهن نحتاج لهن


    .
    .

    ونستي بـ العافيه



    متفائله بـ آلخير يالله عسى خير
    .......... فآلي وفآل آهل الوجيه آلفليحه

  10. #10
    مشرف مضيف الشعر المنقول الصورة الرمزية جمران


    تاريخ التسجيل
    01 2010
    الدولة
    راس طعيس
    المشاركات
    9,169
    المشاركات
    9,169


    ^


    كدّن العافيه




    وشو لو شغالات




    منها رياضه



    ومنها تتذكرن تراث الامهات ومعاناتهن


    هههه



    طِبْتَ حيّاً وميّتاً ياآ أبتاهـ

صفحة 1 من 5 1 2 3 4 5 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

المواضيع المتشابهه

  1. [ الرزايــــــــا إذا توالت ...تولت....حميده وأنا ...ذات مساء ]
    بواسطة ريم شمر في المنتدى مضيف فلّة الحجاج
    مشاركات: 45
    آخر مشاركة: 26-10-2010, 12:46
  2. مساء الخير
    بواسطة صنقور في المنتدى مضيف فلّة الحجاج
    مشاركات: 7
    آخر مشاركة: 04-08-2008, 07:55
  3. عوده حميده يابو مرزوق
    بواسطة ابو ضاري في المنتدى المضيف الرياضي
    مشاركات: 9
    آخر مشاركة: 07-03-2008, 09:47
  4. مساء العيــد
    بواسطة خلود البراري في المنتدى مضيف ا لشّعر الشعبي"النّبطي"
    مشاركات: 21
    آخر مشاركة: 25-11-2005, 08:19
  5. كثرة النشر...غير حميده
    بواسطة عبدالله الجعيثن في المنتدى مضيف ا لشّعر الشعبي"النّبطي"
    مشاركات: 5
    آخر مشاركة: 10-09-2004, 14:28

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
جميع ما يطرح بالمضايف يعبر عن وجهة نظر صاحبه وعلى مسؤوليته ولا يعبر بالضرورة عن رأي رسمي لإدارة شبكة شمر أو مضايفها
تحذير : استنادا لنظام مكافحة الجرائم المعلوماتية بالمملكة العربية السعودية, يجرم كل من يحاول العبث بأي طريقة كانت في هذا الموقع أو محتوياته