الأحوال المدنية تمدد فترة العمل اليومي

[ملامح شمري]

الرياض:واس
مددت الأحوال المدنية فترة العمل اليومي حتى الساعة الخامسة مساءاً بدأً من السبت القادم في فروع وبعض إدارات الأحوال المدنية والأقسام النسوية .
وقال وكيل وزارة الداخلية للأحوال المدنية اللواء عبد الرحمن بن عبد العزيز الفدا : إنه إنفاذا للتوجيهات الكريمة وتحقيقاً لتطلعات الامير نايف بن عبدالعزيز ال سعود النائب الثاني لرئيس مجلس الوزراء وزير الداخلية وسمو نائبه وإنفاذا لتوجيهات سمو مساعد وزير الداخلية للشؤون الأمنية بتقديم خدمات ميسرة للمواطنين في الأوقات المناسبة لهم فإن الأحوال المدنية ستبدأ اعتبارا من يوم السبت 22/11/1431هـ بتمديد فترة العمل اليومي في ( 60 ) مكتبا وإدارة للأحوال المدنية لتقديم الخدمات المتعلقة بالسجل المدني للمواطن والمقيم .
وأوضح الفدا أن تمديد فترة العمل ستستمر حتى الساعة الخامسة مساءا من السبت إلى الأربعاء ويوم الخميس من العاشرة صباحا حتى الساعة الثالثة عصرا مشيراً إلى أن هذه الخطوة تأتي للتيسير على المواطنين والمقيمين وإتاحة الفرصة لهم للاستفادة من خدمات الأحوال المدنية بعد انتهاء فترة الدوام الرسمي .
وأبان ان الخدمات التي ستقدمها الأحوال المدنية خلال الفترة المسائية هي الخدمات المتعلقة بالسجل المدني كإصدار بطاقة الهوية الوطنية وما يتعلق بها من تجديد أو استخراج بدل فاقد او تالف , وتعديل المهن , وتسجيل واقعات الزواج والطلاق والولادة والوفاة , وإصدار شرائح السجل المدني .

[الجازي]

والله لو يريحون أنفسهم ويعتمدون النظام الإلكتروني

وكل واحد يدبر عمره في الوقت اللي يناسبه أبرك مليون مرة من هالتعقيدات

يعني بالله لو سلمت من أزمة الوقت بسلم من أزمة المرور والطريق وزحمة المراجعين وووو

الناس وصلوا لمجرات ثانية مو بس القمر وحنا مكانك سر

مشكور أخوي ملامح على هالخبرية

[ملامح شمري]

^
سمعي ..
اذا هم حطوا النظام الالكتروني ,بيضطرون يفصلون موظفينهم و بيقل استهلاك المنبهات
اللي ماغير يشربونها و بيفصلون الفهوجي الفقير المسكين حق مديرهم و
بيخسرون تجار و مستوردي الشاهي و القهوة و بيتضرر بكذا اقتصاد الوطن ..
يعني نظامهم الحالي يعود بفوائد على الوطن , ناظري لبعيد مثلهم وش بك انتي

بعدين جزاهم الله خير على التغير اللي اجا بوقته , عندي كومة وغدان برفقهم و حريم مطلقات بشيلهن من كرت العايلة ..

< معقب

تشااو

[الجازي]

صدز !!؟

اثر نظرتي قاصرة !!

أجل الشيوخ أبخص

خلاص أسحب تعليقي واقتراحي بس عساهم على هالتمديد صارفين لهم بدل خارج دوام

[سلطااان السويري]

ابرك ماسوو

خلهم يخلصون معاملات هالعالم الي صافه طوابير

بس عندنا بالحفر مافيه زحمه

والامور اوكيه نبي نحتج على القرار لان الوقت عندنا يكفي لانهاء مراجعات المواطنين

لاهنت ملامح

[جمران]

ماأرى ان لها القرار اي ايجابيات









لاهنت ملامح

[فوووز]

’

بصراحة قرار زين شين .. بنفس الوقت.

يمدي الموظفين بعد نهاية الدوام يروحون يكملون أوراقهم.

بس اللي يتوهق موظفين الاحوال كم ساعة بيداومون ..

ما أقول إلا الله يعينهم..

’

[ملامح شمري]

صدز !!؟

اثر نظرتي قاصرة !!

أجل الشيوخ أبخص

خلاص أسحب تعليقي واقتراحي بس عساهم على هالتمديد صارفين لهم بدل خارج دوام

الشيوخ ..!!

يا شينة لا تورطينا تونا صغار ما اعرسنا ولا تهنينا بعدنا بحياتنا ,
بكيفهم يعطون ما يعطون هم ابخص
يلا توكلي , برى ..
مانبي سياسة ولا عاد تجيبي لهم طاري بمواضيعي

[ملامح شمري]

ابرك ماسوو

خلهم يخلصون معاملات هالعالم الي صافه طوابير

بس عندنا بالحفر مافيه زحمه

والامور اوكيه نبي نحتج على القرار لان الوقت عندنا يكفي لانهاء مراجعات المواطنين

لاهنت ملامح

حياك السويري ..

البلا و الموت عندنا بالرياض والله , اذا ما تعرف احد بالاحوال يخلص لك اوراقك ..

شرفتني اخوي سلطان بتواجدك.

[ملامح شمري]

ماأرى ان لها القرار اي ايجابيات

لاهنت ملامح

بالمدن الصغيرة , لا ..

بجدة , الرياض و الدمام و طقتها اكيد له و متاخرين واجد فيه ..

حياك اخوي ابو نورة او هيا < اللي تجي , مدري ايهن اكبر عاد