سلام ياشيخ الشيوخ بصعايبه = الشيخ ولد الشيخ متعب ركايبه
سلام ياشيخ الشيوخ السبعه = ياشيخ سبع جموع ياجت حرايبه
سبعة عصورٍ فاتن انتم شيوخنا = عطيةٍ من اللي كبار وهايبه
من سعد طير السعد وأقبل السعد = خلا العدا تنوح وتكثر نوايبه
يوم ان ابن وتيد طغى بظلمه = يجي الزميلية ثم ياخذ حلايبه
طاغي طغى على الزميل وتسلط = يطلب مطاليب كثار طلايبه
بالظلم هو والبغي ياخذ حلالهم = والبغي هو والظلم هذي سبايبه
بساعد سعد فخر السعد هو سعدنا = بيمنى سعد بالسيف قطع ترايبه
أول هداد الحر ماهد وانثنى = ألا براس الشيخ جاهم وجايبه
وأخذ حلال ابن وتيد وقومه = إن طاب لهم ولا على غير طايبه
وأبوك بايق يتعب الخيل والنضا = يوم إنها تقفي وتقبل نجايبه
ياما مشوا بالبرد والثلج والمطر = وياما سرى بالليل والشمس غايبه
وياما مشوا بالقيظ وحفيت ركابهم = أبوك مايشكي وتشكي ركايبه
وياما خذوا قومٍ على وضح النقا = وخذا العدو حلايبه مع جلايبه
وقلايعٍ من أصايل الخيل جابهن = وكم هجمةٍ جابه توامى جنايبه
وكم خفرتن تصيح وتنعى خليله = تعشن عكفان المخالب حبايبه
تصيح بعال الصوت وتنعى رجاله = ولبست ثياب الحزن وقصت ذوايبه
عسى مثواه الخلد وللخلد مسكنه = مرحوم ياشيخٍ عقّبك من صلايبه
نفخر بصيتك ياعبيد ابن بايق = وبعلمك اللي ماتشوبه شوايبه
بنيت لك بيتٍ مضيفٍ لحاله = ومن هيبتك منه أكثر الناس هايبه
تقلط من الخرفان وحيلٍ من الغنم = كريم سبلا مايحسب حسايبه
تاوي به الخطّار وشيوخ العرب = وتاوي به الجيران ومن جاه نايبه
هو مجدنا هو عزنا هو فخرنا = هو ظلنا وهو الذرى عن لهايبه
بناه أبو زقام بالعز والبقى = ويستاهل البيضا بعالي جذايبه
قايد جموعٍ والله أبحل بوصفها = مثل الخْيال الملهمة سحايبه
ربعٍ ليا دعيوا على الموت سبّلوا = أفعالهم تخبر بماضي حرايبه
أولاد الأزمل عز من يلتجي لهم = عدوهم منهم كبار مصايبه
أولاد الأزمل لابتك وأنت شيخهم = أولاد الأزمل عز منهم قرايبه
هم عسكرك هم لابتك هم سواعدك = وأولاد عمٍ لك شبابه وشايبه
على العدو نجمٍ سماويٍ ليا هوى = نيران بركانٍ توقّد لهايبه
وحسادكم ياأمير وأعداء الحقيقة = مقهورة وخله تموت بغلايبه
وأزكى الصلاة على النبي نختمه = وإعداد ماهل الذواري هبايبه
الشاعر والراوي / صالح الظلماوي
رد مع اقتباس
المشاركة الأصلية كتبت بواسطة صلفيق
المفضلات