عبر عن الصورة ببيت شعر على ذوقك

[كبرياء انثى]

أرفعي راسـك دقيقـه وافهمينـي

الطفولـه كلهـا حـب وصداقـه

لا تغيب الشمس وانتي تكرهينـي

الفـراق المحتمـل مـر ٍ مذاقـه

جبت لك ورده وذبلت في يمينـي

وكان ما تكفيك ( ورده ) جبت باقه

[كبرياء انثى]

.. { ابعـِرف يابحْر ذنبي وًش الي بَعِمري سويته

انا ماَاذكر اني بيوم جرحْت انِسان وبكيته

جروحيْ ليه علِمني عشان اني علْى النيه

تعبت قلبي وتعبنْي ياليته يقٍسى يَاليته

ابسِكت يابًحر وامٍِشَي وخلْي ضيقِتي فيني

ابسكْت وابتعد عنٍك وادورً مَن يواسيني

تصِدقَ يابحٍر اني توقْعتكـ تِشيل همٍوم

ولكن انِصدمْت انًك غرقت اَلدمٍعه من عينِي } ..

[كبرياء انثى]

ودعتهم قالوا نشوفك علي خير ..... ومن يومها والحال قام يتردا
ومن يومها تفكير تفكير تفكير ..... والفكر ياما جاب فيهم وودا
وش غير الدنيا وهي من قبل غير ..... ليه الزمن وياي دوم يتحدا
وليه الشقا ماله بقلبي معايير ..... من بد خلق الله جعلني مبدا
اذكر بحزتها فقدت التعابير .... والدم بعروقي تثاقل وهدا
سألت نفسي عقبهم ويش بيصير ..... ثار العـرق من فوق جفني وندا

[كبرياء انثى]

[ وجودي والعـدم واحد ] . . صحيـح . . وأدري ..!!
وأدري بعـد . . غيابي ما يفـرق أبـد . .
حتى انا تـرى . . ما يهمني أمـري
دنيـاي صـارت كلهـا . . ( حـزن ونكـد ) ..
بـس || يكفينـي || . . اني لا نويـت أسـري
" مرتاح " . . دام بعـادي ما يجرح أحـد ..

[كبرياء انثى]

اخذي كلام البـدو والبـدو يبقـون
مثل القمر لاتهتـي الـدرب قـداك

بيت الشعر قدامـه البـدو يرعـون
حلالهـم منـا ومـنـا ومـنـاك

ناس على درب الوفى دوم يمشـون
وعاداتهم للي معـه وعـي وادراك

ياللي غدرت الحب والحب مصيـون
اخـذ كـلام ياصلـك ويتـعـداك

الحق للي يطلـب الحـق مضمـون
وانا اكبر من اسمك وساسك ومبداك

جيتك وكني مالـك ملـك قـارون
واقفيت كني مالكه عقب فرقاك

[كبرياء انثى]

.
.

على ذاكـ الجدآر اللي على حد البيوت الطين
وقفت وهآجس الذكرى نفض عن قلبي غبارهـ
وفي ذاكـ المكان أثبت بأن الآدمي من طيـن
تخيل يوم لامستـه تنهـد مـن شقـا نـارهـ
سألني و قال : أنا أذكر تجوني من زمان اثنين
بكيت وقلت صدقني رحل وانقطعـت اخبـارهـ

[عبدالله الجعيثن]

شفني على دربك من ايام موجود && احسب حساب لجيّتك واتحرّا

[كبرياء انثى]

صاحت عيون الشمس .. والغيم لمّـاح

جرّت لحـاف الليـل تخفـي قهرهـا

يا غيم غضّ الطرف لا تحرج الصـاح

وأمطر علـى حـرّ المواجـع باثرهـا

هَزّ السحاب بعبرتـه حـرب ورمـاح

واثره يذوق الموت حـزّة سفرهـا..!!

جملة كتبهـا بالشفـق قبـل ينـزاح

ليت المفارق حـرب قلبـي خسرهـا

قال الزمن عقبـك كوابيـس واشبـاح

قالـت وانـا بٌعـدَك حياتـي قبرهـا

قام وعطاها الغيم ( صوره ) و(مسباح)

جااات وعطته الشمس خصلة شعرهـا

ثم لدّت الشمس اليتيمـة عقـب نـاح

إليـن خـوف الأرض طيّـح شجرهـا

يا شين مشي الغيم كسر ٍ مـع جـراح

لا طاحت نجـوم العـزا مـا نهرهـا

المزن طاحت والسمـا حيلهـا طـاح

والارض فـزّت قاعهـا مـع بحرهـا

وكل الجبال السمـر حسّـت بالاتـراح

وقام يتصافـق ثقلهـا فـي صخرهـا

وصارت تشوف الموت يشرق بالاصباح

والغيم شاف حلـوم بآخـر صورهـا

وساق الهبوب الغيم مقهور..ثـم راح

وأقفت دموع الشمس تخفـي قهرهـا

[كبرياء انثى]

ومادام لك عندي مواثيق وعهود
عهد الغلا مابين غالي وغالـي
اقلط مكانك داخل القلب موجود
وخلك بقلبي شامـخٍ كالجبالـي

[كبرياء انثى]

أسـتجبنا للفـراق ولاتنـاسينا المـودة
لـيلة الفرقا تبادلـنا الرسايـل والهـدايا
قال والله لأحتفظ في صورتك تحت المخدة
قلت والله لأحتفظ في صورتك بين الحنايا