من قلب الحدث

**عبدالله الجعيثن** · 25-09-2010 16:49

انت مثلي

من اول يوم ... رحت للمدرسه لحالي

بس بوقتنا كان واحد او اثنين اللي يبتسون

اليوم...نص الصف لهم نوعره

**ابو فارس** · 25-09-2010 16:54

كل هذا من تربية السوني والتلفزيون

من اول كانوا الشيبان ياخذونا لمجالس الرجال

هالحين كل من صاك بابه

اويلي ياعيال عايد

**عبدالله الجعيثن** · 25-09-2010 16:58

انا بقترح على المدرسه

يبيعون بالمقصف رضاعات وشرطان بلاي ستيشن

**ابو فارس** · 25-09-2010 17:15

وانا اقترب يسوون لهم صف ويحطون به معاميل

ويسوون شبه \\\ماهي ناسي شبته

ويعزمون بالاسبوع الاول شيبان الحارة يعلمونهم السنع

**قـــوت** · 25-09-2010 18:53

^

وانا اقترب يسوون لهم صف ويحطون به معاميل

خير تقترب والا اقول اقترب على وجهن اصبح

ابو غازي ليه التدقيق ياخي

**ابو فارس** · 25-09-2010 19:50

اقترح مو اقترب

بس الباء جنب الحاء----------ماتنرقع

الا اقول يالذهيب

بالله استعرضي المضايف بستايل اجاء الجديد وشوفي توقيعك

ياهو يطلع شئ

**عبدالرحمن** · 26-09-2010 01:05

تصدق وانا بأول ابتدائي درس معي واحد من زملائي الي الان

اسبوعين وابوه يداوم معه بالصف .. وليا طلع ابوه شوين قام يجعر

هالحين الولد مهندس بارامكو...متخرج من البترول امتياز

هذا والله الجعير اللي ماراح بلاش

بلاك من اللي جعر وللحينوه يجعر

**قـــوت** · 26-09-2010 01:37

يوم انا بأول ابتدائي راحت معي امي اول يوم اقول له روحي فشلتيني << اصرفه ابي اخذ راحتي خخخ

الناس تمشي على الارض وانا اركض على الطاولات ههههه

ليتن مجوعره اغديني افلح

**ليلى بنت عبدالعزيز** · 26-09-2010 07:29

اجل السر هاذ سر كسالتي اني ماجعرت مثلهم

صباحم رضا

**ابو فارس** · 26-09-2010 07:32

هلا صباح الخير

الجعير وابن عمه الشخير

اهم اسباب التفوق العلمي

ومن خلال بحوث اجرتها الجامعة الفلاوية على اكثر تمساح بالفلة

اثبتت التجارب صحة ماتوصلت اليه

وخاصة في راس اداري الفلة - شبيثان

لانه ماجعر ولاجعرة في حياته