السلام عليكم ورحمة الله وبركاته
مساء احلى من وجيهكم اللي تحس انهن عقوبه < على طول شر
اول شي ياجماعه انا اشوف ان قسم الدردشه ماله سنع لانه يطلع كل طاقه القرق فينا بدون اي فايده
يعني الواحد يجي يرد كم له رد ويشوف الشعب الثانين وش مقسوا ويمقس كم مقسه وياخذ فوق تحت
هذا شيء ليس قميل
وش رايكم بالمقدمه اسمع بالمقدمات صح ترا مالها دخل بالموضوع خخخخخ
السالفه اني جالسه باليوان اطقطق بالكمبيوتر وماتسمع الا طرلللم < نغمة المسن وطربق طربق < نغمة البي بي << ياكايدهم ههههه
وبنفس الوقت تسمع جميع الاصوات اللي تتخيلها صوت رجال مره قران اغاني اصوات صنادق تصافق صوت جوالين حققه ببسي مسدس التلحيم كل هالاصوات تصدر من مكان واحد الا وهو رادو جدنا
ومنطرب الاخ ماعنده اي مشكله لا ويفرفر بين المحطات هههههههه
ويجلس يسمع الاخبار وبعد 10 دقايق تبدأ تسمع صوت خشخشه بعد 3 دقايق يتحول الى صوت شخير ناعم رقيق رنان
ويبدأ يتحمس الشايب بالنوم ويشخر حما حيله ههههاحس انه يقوم متليش هههههه
الاخبار والا هالشي اللي يتسمع له يخلص وتجي ام كلثوم والا فيروز تغني طول حسه والشايب يشخر بكل ما اوتي من قوه تحس انهم يتنافسون ايهم اطول حس هههههههه
وانا اسمع هالسمفونيه اللي ماتسمعه الا وانت مار من قدام البيت < على فكره ترا الشايب شارط لولد ابو فريح يصيد لمبة الشارع بالساكتون
وعلى بالكم خلا الشارع بدون لمبه لا ركب لمبه شارع بدقمه ههههههه< تسمع بالاستطراد
المهم الشايب صار يشخر من جهه وام كلثوم تلعلع من جهه واقوم اتلمس الرادو مجهرن الكمبيوتر ما اشوف زينوامسك الرادو واطفيه ويراعي لي الشايب يقول وليه تطفينه < يمه هههههههههههه
واقول مادري احسبك نمت مابيه يسدّرك
يقول ايه ايه طفيه < تعرفون عزة النفس عند الشيبان مسوي فيها اني واعي ههههه
وتكرر الخطوات السابقه يشخر شوي شوي وبالتدريج العداد يشتغل الى مايصقع الاتش هههه لا واذا تحرك تتغير النغمه
تراه مهو سهل عنده نغمات هههههه
واقش قشي وادخل داخل
واجلس ساعتين وانا احس ان فيه شي يشخر بوسط اذني الظاهر علّقت اذني ههههه
افكر اسوي دراسه تحليله واشوف وش السر بين الرادو ونوم الشيبان ؟
مار تقل يدههم
ابو فارس وعبدالرحمن ممكن تفيدوننا بهالجانبخخخخخخخخخخخ
ماقول الا يالبى شايبنا بس < وشو عقبه ههههههه
ماعندي سالفه بس اجرب اكتب موضوع
كلكم ردو < تسمع بالتمسكن
لحد يحاول يعد الايقونات هههههه
المفضلات