الشبة عندي...

**ابو فارس** · 10-09-2010 11:11

السلام عليكم
كل عام وانتم بخير

وتراني شابن لكم

عساكم من عواده

سولفوا لنا عن اول يوم

القهوة يافارس

**جمران** · 10-09-2010 11:47

الله يعيدكم عليه من السالمين اجمعين

ابد بس يافارس من اليوم امكح من القهوه والشاهي والحلاو

يابسن رقي ياخيي

جغمة ماء الله لايهينك

ابد اليوم عقب الفجر

طبعا مامن نوم البارح مواصلين الى الان

وانا اسوي القهوه والشاهي واضبط المحل للزوّار

بحكم ان ابوي الله يحفظه كبير العايله واولاد العمومه ياتون للسلام عليه حفظه الله

ويوم فطنت وهذ ابوي وانا اقهويه وحنا مار نروح للمصلى

صلينا وعايدنا الجماعه واللي واجهنا بالمصلى

وعوّدنا البيت وحضرو المهنئين والمهنئات

وعقبه وانا اروح لخوالي بالديرة اللي ماهي بعيدتن عنّا

وعايدتهم وهذا انا نكست البيت

ومحاتسيك يابساتن لهاته ابي اشرب ماء

اعتقد روتين عادي

المايك لك خيي

**ابو فارس** · 10-09-2010 12:03

هات المايك

يافااااااااااااااااارس اسق راعي الجمرية لايجعر علينا بهالعيد

ياهلا فيك
اشرب وعيّن خير

بالعافية

المايك معكم

**قـــوت** · 10-09-2010 13:18

‏<‏ توه قاعدتن نوم بالله خلص العيد

**قـــوت** · 10-09-2010 13:20

‏<‏ تدور عيشه لو خبزه وجبنه

**عبدالله الجعيثن** · 10-09-2010 15:39

^

^

مادريت ولا تسان سارقن لتس من هاللحموم

من العايدين ابوفارس والجميع

انا تقريبا مثل جمريان

بس زياده به فطور عند ابومنّاع 8:30 صحن مطحن / وصحن رز...وقاسمن الذبيحه عليهن

ورجعت 10 وفقست وتوي قاعد ادوّر المعسل

**شرهه** · 10-09-2010 16:01

اما انا من فجر الله وانا اسوهج

توي اقضب القاع

الله يجيركم من بيتن لبيت

ما خلينا احدن ما جيناه

كل من يعردز بنا من قريب والا من بعيد

تسحبن عمتي من بيتن لبيت

افييييييييييييييييييييييييييه يا حياتي يابيتنا

والله انك بعيني هاللحظه ولا البيت الابيض

ابي ماء .. راع الجمريه الحدزن بالماء يا منك رويت

المايك للي بعدي