الشبة عندي...

**ابو فارس** · 17-09-2010 07:23

بكذا يا ام عمر
بيتمردون الاعضاء
وتصير لهم طلبات مالها اول ولا تالي

يم يم

ياكل المقشوش

**شموخ شمالية** · 17-09-2010 07:30

أكتب لافته عند باب المقلــّط ممنوع دخول الشيبان
علشان عبدالرحمن ومتعجب مايذوقون شين

حنا بلانا هالشيبان لاشافوا هالمقشوش والمصلي مايطلعون
ويقابلونك ليل ونهار

**ابو فارس** · 17-09-2010 07:36

ماتوقع لهم بالمقشوش

هم يحبون الريوق

اذا شافوا الريوق تجيهم حالة نفسية بالركب

**شموخ شمالية** · 17-09-2010 08:01

^
^

وش هالاكله الجديده

ياأخي أهل الكويت يتــطورون بساع

تهقى هو يشبه المقشوش او الكبيبا او الجريش

**ابو فارس** · 17-09-2010 08:18

ام عمر
هذاني جار لهم والى الان ماعرفته
كل ما قلت لواحد من اخواننا بالكويت ابغى اجيك قال حياك
ومايعزمون الا على الغداء او العشاء
وليا قلت لهم الريوق

يقولون هذا ماناكله الا الصبح

والصبح بصراحة صعبة اجي اغربلهم علشان اعرف اكلة الريوق

**شموخ شمالية** · 17-09-2010 08:24

تكفى أهجم عليهم الصبح وشف هالاكله اللي يقولون

صبّحهم قبل تذبحنا الشفاية

<< راحت لقوقل تدوّر هالاكله الكويتيه

**ابو فارس** · 17-09-2010 08:28

لاتتعبين قوقل
اتركيه يغفي له شوي

قبلك كسرت ظهره
بس ماش ماحصلت شئ

اصبري هالحين يجي منصور الغايب ويمكن يشرح لنا

انا اخاف انهم مثل القصمان
يقولون من حرص العجز عندهم ماتن كلهن ولا علمن بناتهن عن خلطة الكليجا