تبحر حروف القوافي فيني والامواج ..\ ضدّي
لين ترسى بالمواني ..\ فكرتي لو عنصريه
صغتها رغم المشاعر ..\ كانت بوضع التحدّي
ساسها عذب الخيال ..\ وبالمعاني واقعيه
مابغيت البوح لكن ..\ خايف اغريها بسدّي
والمصيبه خايف اجرح خاطرْ وقلب ابدويه
كيف أجل واْكبر طموحي ..\ لاغديتي تستعدّي
للسّفر يمّ السحاب ..\ وترجعي لي يااعْربيه
ياللي تروين الصباح من الضما ..\ وجهك ايندّي
كيف أجل لو ابتسمتي .!!!\ للصبّاح فــ\ نرجسيه
إشعلي جمر المحاني ..\ اظلميني ..\ واْستبدّي
يااْجمل حروف القصيد وسيّدات الأبجديه
اطلقي عنان العذوبه في مضامير التصدّي
وعطّري روض القوافي والاحاسيس الندّيه
ماتخيل طيبك الا .. مد يمناه ..\ وتمدّي
يدّك بحظن الثريا ..\ واحتوتها روح حيّه
ياضوى يدّك .. بصوت النور ! ..\ ردّي
واكتمي نايٍ عزف لي ..\ فـ\ الجروح السرمديه
لو عصاني جرح ليل الناي ..!\ وش طالع فــ\ يدّي ..!؟
غير تذويب السكوت .. بشمعةٍ ذابت ..\ خطيّه
جد ..\ يامحلا القصايد لاغدت تاخذ وتدّي
وآآآه ياشين المعاني ..\ لاحداها سوء نيّه
البدايه .. كانت امس ..\ وكان صمت الليل حدّي
والنهايه ..\ شمس بانت في حرارتها قويه
لكن الدنيا دقايق ..!\ لو اعدّيها .. تعدّي
والمدى يصبح نهار مسلحٍ فـــ\ العنجهيه
وتشرق انوار المحبه ..\ في سنا الصبح المندّي
ويدفن امس الجمره اللي ..\ في تراب الجاهليه ..!
انتهى وقت الجواري ..\ والعبوده ..\ والتعدّي
ويعلم الله سر ذاك وسر .. من راحوا ضحيه
يا أصيله ..\ شي واحد ..! \ مابها جدّك وجدّي
المشاعر لاتلاقت ..!\ مالها رقم وهويه
يابراكين المحيط الثايره فــ\ الصدّر هدّي
من بعد ربّي .. وثابت ..\ ثم فضل الجاذبيه
لو سكبت اجمل شعوري ..!\ دمعتي من فوق خدّي
تغسل بنهر الخطايا ..\ كل ذنب ..\ وعنصريه
لا تخافي ياقصيده ..\ لو يدوم الموج ..\ ضدّي !
المواني في يميني ...\ والمراسي ساحليه
المواني في يميني والمراسي ساحليه
رد مع اقتباس
المفضلات