بلدية حايل والدوار وقش الصلبه
بالخير عليكم
مدخل
الله واكبر يازمان الضفادع
قامت تومّر على حيتانها
هذا يالربع هكالليله وانا مسافر يوم وصلت حايل
وجيعان ذابحن الهلك
الساعه حول الوحده
والسياره مليانتن عفش والربع رقود
الوكاد مريت من عند مطعم مشوار واطلب عشاء
ايه قلت اباصل البيت قبل يبرد العشا
وانا اكيّم له وجهي للديره
وانا ألمح جيب الدوريه يمين ومولّعن سفتياته
قلت ايه هذا رادار قبل اشارة مشار
خبري قديم
زين وانا ادعس له قلت والله مخالفة الشنان ماتروح لحاله
خلهم يعطونن كانهم صادزين
يالربع يوم اقبلت والا اشارة مشار صايرتن دوّار
ولا انتبهت الا انا متورشعن رصيف الدوار
وانا اطيرلك بالخضيرا
سما سما سما
وانا احط النور العالي
والا هذا برج الجوال اللي بالسفن
ويالله يالله الف عنه يسار
وهو يخطش المرايه اليمنى
يالربع ثري سواقة الطياره مهي هينه
هههه
وانا ابلش الحين ابي اطب الديره
وش اعمل وش تعمل يابو جمري
وانا اتصل على واحدن خبري به يدرس طيران بالاردن
ايه هين هو ووجهه
يابو فلان وش اسوي انا هالحين بين السما والارض
وابي اطبّح بالديره وش السوات اخلص
قال لي انت عندك بالسياره زر بجنب حق البنزين
وانا اراعيله والا هذا هو
قلت ايه
قال اضغطه
قلت وشو حقه هذا
قال هذا حق الاير باق اللي بالحوض
؟؟؟؟
طيب وش يعمل؟؟
قال ينفتح اللي بالحوض وتصير نفيختن كبييييره
افى والعفش؟
قال انت انزل وعقبه يحل امر العفش ربك
الوكاد وانا امصعه
وهي تصير هولتن من الهول
نفيختن يالربع حلا ماتبي
وانا ادليلك امايز الدركسون
والا هذا سطح البيت حقنا
واشوى وانا ارزح الموتر بالردميّة اللي بجنب البيت
آهــ
ياحلو الحياه
يالله يالله انزلو
وانا ارسله رسالتن مشكور يالغالي ماقصرت
الوكاد
العفش غدى وهالحين يلقطونه الشفّايه كل كيس لحال
واهم شي شنطة الذهب والحلاو حقت البنات مالقيناه حتى الساعه
واليوم رحت لحايل والا طيارات الدفاع والهجوم مستنفره
يقولون طيارتن اخترقت الاجواء الامنيه
واااااااااااااااااوووو
مخرج
اللي يلقى شنطة الحلاو له هديه
هههههههه
رد مع اقتباس
المشاركة الأصلية كتبت بواسطة راع الجمريه
المفضلات