ياشيشتي لو فيك ذنب وخطيه
السلام عليكم
تقبلو احترامي وحلقو مع الابداع
مع
(( الشاعر حمد السعيد ))
اتركم مع القصيده واتمنى ان تنال رضاكم
___________________________________________
مات الجمر وقلوب الاحبـاب حيـه
والموت لاماتـت قلـوب الحبايـب
يا شيشتي لو فيـك ذنـب وخطيـه
معاك احسن اني عن النـاس غايـب
العام كانوا لي من الاصحـاب ميـه
وقت الرخـا لكـن جفـو بالنوايـب
لاهنت يا قلـب شكـى مـن خويـه
كم راس من طعنات الاصحاب شايب
مـرات اقـول ان الخبـل ياهنـيـه
ولقيتهـم يشكـون ظلـم القـرايـب
ومرات اقول النـذل لا رحـم حيـه
واثر النذال في بعض الاوقات صايب
يا نفـس شيليهـا علـى السامريـه
شيلت طرب ما عـد فيهـا طلايـب
وش لـي بتنبيـه القلـوب العميـه
وحنـا بالدنـيـا دروب وركـايـب
ابـي اتـغـزل بهـذيـك البنـيـه
بنـت تفـل القلـب فـل الذوايـب
كـم بعدتنـي وجمعتـنـي هنـيـه
بنفس المكان الي جمعنـي غرايـب
يا ضعفهـا معهـم وعنـدي قويـه
منها غـدا ثلاثيـن قلبـي خرايـب
مرباعهـا بيـن العيـون الشقـيـه
ومقيضها بيـن الجـروح العطايـب
ما اقـول يذبـح زينهـا بـس هيـه
تلفتلهـا قلـب عـن الحـب تايـب
ولا اقول مغـروره ولاهـي خليـه
فيهـا دلـع بنـت تبـنـاه شـايـب
جمـال نـجـد وفتنـتـن حايلـيـه
وش جمـع الثنتيـن فيهـا عجايـب
الي اقبلـت بيـن احسنـات وسيـه
ياكثر ذنبـي بيـن طيـب وغطايـب
والا ادبـرت فـي دمعتيـن نـديـه
قلب معاها وقلـب بالصـدر ذايـب
راح العمـر مابيـن روحـه وجيـه
ياكثـر غلطاتـي ولانـي هـايـب
شب الجمر ما دام الاشـواق حيـه
طف العتب والعمر ضحك ومصايب
رد مع اقتباس
المشاركة الأصلية كتبت بواسطة شموخ شماليه
المفضلات