صبحكم / مساكم الله بالخير جميعااا
اولا : والله ونعم بزايد ابن كروز المري هذا الشاعر الفحل فديته..!
تشيب لكن ذكر شمر مايشيب ..!
القصيده :
ياطراد لا صب الفرات من المصب
ماعاد حصلت البدو عند القليب
والهاجس اللي كل مايسري كسب
وان ماكسبها صبة الفنجال عيب
وانا بشر يخطي ويفرح ويغضب
وعساي لامن قلت لي قولاًً يصيب
غير الرجال الهم عليٌ حق وتعب
رجلي لمثلك ياولد موسى يطيب
واللي يشب النار ويزيد الحطب
ومن مدح عكفان الشوارب يستصيب
اما يكف اللغاه والا ينسحب
والا عسى شمسه عن الدنيا تغيب
سلم على اخو عيده وقله وش وجب
يادوب هل المزن وابتل الشعيب
سلام تسليم يا قيل انتصب
من هاجسً في حزته ماهو يغيب
الله جعل تحضيرته عن الطلب
ابهره قاف ووفاء ويفوح طيب
يهدا على شمر وشمر تنكتب
لا ..والله الكتب عن شمر صعيب
آجا وسلمى لو تشب وتحتسب
تشيب لكن ذكر شمر مايشيب
صغيرهم لوهو على روس الركب
يهز قوم ويكسر العظم الصليب
شجاعة الجرباء الى رف الشنب
على كرم لمسح بالوقت العصيب
تكفيك عن باقي دواهية العرب
من دون قاصر في البعيد وفي القريب
شمر الى صاحت مكحلة الهدب
ترد ردة راس ذيبً عند ذيب
اهل الوفاء والجود والسيف الحدب
واهل الجموع اللي يضدون الحريب
اهل الورع واهل النقاء واهل الادب
واهل المقام اللي اليازحمت تثيب
واهل الوجيه اللي يفكون النشب
كبك عن اللي لايثيب ولايجيب
نعم النسب نعم النسب نعم النسب
سلالة الطائي هل الساس العريب
تاريخهم مايكتبه غير الذهب
وامجادهم ماهي على حظ ونصيب
سمعت عنهم غير لله العجب
اللي عطاني العلم علمه فيه ريب
يقول هذولا بشر قلت تعقب
ذولا بشر ؟حرام مالسمن بصبيب
اقرب مايشبهم ملائكة العرب
اقولها والله على خلقه رقيب
أبسالك ياطراد وانت اسمع واجب
وان كان ماعندك جواب انا بجيب
أسمع يامال الطيب وابشر بالشبب
اعلمك هو ليه اسم جبة غريب؟
لأن اهل جبة تجب الطيب جب
من بعد اهل جبة يوقف كل طيب
للشاعر زايد بن كروز المري فديته وبيض الله وجهه القرم
رد مع اقتباس
المفضلات