ابيات رائعه من الشاعر / خالد الشمري
بالشيخ / فهد الشريع الشمري
تدري وش اصعب من جميلن على الراس
.....رده على اللي ماتوقف جمايله
يارب جملني مع طيّب الناس
.....عجزت من حملن على الراس شايله
ياكثر ماشافت عيوني من اجناس
.....لكن شبيهه مالقيت بفعايله
فهد الشريع الشمري طيب الساس
.....يضيع شعري مايوصف فضايله
لاجاله اللي حده الوقت منحاس
.....عزالله ان الطيب والخير نايله
ياكثر مداته بلا حد وقياس
......مثل الحيا لامن همل من همايله
يالمدح طوق هالصخى در والماس
......وانثر له الورد الزكي من خمايله
وقل له كثير اللي اشيله على الراس
......جمايله ياصعب ردة فعايله
رد مع اقتباس
المفضلات